like or unlike?

Internetsimut atuisarnitit sianigikkit: FB-ip aalajangigaa kingulleq isorineqartoq

Facebookip nutaarsiassanik saqqummiussisarfiani - nyhedsfeedimi - ussassaarutinik videonik saqqummertoqartalernissaa Facebookimit akuerineqarpoq

Facebookip nutaarsiassanik saqqummertarfiani ussassaarutinik videonik saqqummertoqartalernissaa qaammat kingulleq nalunaarutigineqarpoq.

Naak ussassaarutit sivisusussaanngikkaluartut nittartagaqarnermut ilisimasallip Facebookip taama aalajangernera iluarinngilaa.

- Ussassaarisartut annertunerusumik isertitaqartalissapput. Ussassaarutinik videonik saqqummertoqariataartoqartalernissaa uuminaqutaassaqaaq. Ussassaarutit takorusunngisakka saqqummeriataartalissappata atuininnullu akeqassappat uumisulissagaluarpunga, Netplanimi siunersuisartoq Torben Rune mobil.nu-mut oqarpoq.

Spammi nutaaq
Ussassaarutinik saqqummeriasaartoqartalernissaa internetsimut immikkut atuinarnerulissaaq, aamma ussassaarutit saqqummeriasaartut spammiupput nutaat, Telepristjek.dk-mit Nicolas Fredriksen isummerpoq.

- Videot ussassaarisut takkuteriasaartalissapput. Ussassaarisartut tamanna nuannarissaqaat, inuimmi amerlanerusut ussassaarusiatik takusalissavaat, Nicolas Fredriksen oqarpoq.

Citrixip nalunaarusiani Citrix Mobile Analytics saqqummiuteqqammerpaa. Atuisunut misissuinermi paasinarsivoq atuisut 59 procentii isumaqartut videot ussassaarutit saqqummertartut akeqanngitsuusut. Ussassaarutilli saqqummertut atuisarput.

iPhonennut Androidinnulluunniit qanoq ussassaarutit saqqumminnginnissaannut ilitsersuutit takukkit

Facebookimi ussassaarutinik saqqummertoqartalernissaa qanoq isumaqarfigaajuk?

Powered by Labrador CMS