Internetsi akikinnerusoq suli uatsiugallassaaq

Siunnersortinik, ilaatigut Tele-Postimit suliffeqarfiit allat internetsimik atuisinnaanerminnut nioqquteqaqqqissinnaanerannullu akinik nalilersuisusussanut, atueqqinnianngikkallarluni Tele-Postip aalajangernera internetsimik atuinermut namminersortunngorsaanissamut sunniuteqartussanngorpoq.

Taama knr.gl allappoq.
http://knr.gl/kl/nutaarsiassat/akikinnermik-internetseqalernissaq-piviusunngunngikkallalertoq

KNR-ip allaaserisaa naapertorlugu internetsimik attaviliisitsisarneq kisermaassiffiujunnaarluni aapriilip aallaqqaataani pilertussaangaluarpoq.

Atuaruk: Internetsi pitsaanerusoq akikinnerusorlu qanilliallappoq

Kisianni siunnersortinut aningaasartuutit qaffakkiartornerisa kingorna Tele-Posti siunnersortinik atuiunnaarallarniarluni aalajangerpoq.

- Kinguaattoorneq pissuteqarpoq Tele-Postip siunnersortinut aningaasartuutai qaffakkiartupiloorsimammata, Tele-Post KNR-imut taama mailikkut nalunaaruteqarsimavoq.

KNR nangilluni allappoq siunnersortit ilaatigut nalilertussaasimagaluaraat internetsimik atuisitsinermut nioqquteqartartussat nutaat Telep attaveqataanut attavilernissaat qanoq akeqartussaangaluarnersoq.

- Tele-Postip Namminersorlutik Oqartussat Nalunaarasuartaateqarnermullu Aqutsisunut nalunaarsimavoq, ulloq piffissaliussaq eqqorlugu atuutsilersitsisinnaanatik. Tele Postillu attaveqatigiinnermut atortorissaarutiminik atuinermi akiusussanik maanna inissiiniarluni sulissuteqarpoq, Tele-Post knr.gl-imut taama ilisimatitsivoq.