Inoqutigiiaat tassaarsuarmit eqqorneqarsimasut illussaat tunniunneqarput

Uummannap sulluani Karraap kangerluani qaqqap nunatarsuanik sisoortoqareernerata kingorna, tassaarsuartoqarnerani Illorsuarni Nuugaatsiamilu najugaqartut ukiut marluk matuma siorna qimangussuutitinneqartariaqarsimapput. Tassaarsuartoqarnerani inuit sisamat ajunaarput.

Nunaqarfinni taakkunani najugaqartuusimasut, illunut taarsiissutaasunut, Namminersorlutik Oqartussanit sanaartortinneqartunut, maanna nooriaannanngulerput.

Avannaata Kommuniani borgmeteri, Palle Jerimiassen (S) tusagassiutinut nalunaaruteqarluni taama allappoq.

Ilaqutariit siulliit nuussinnaapput

Selvstyret har bygget i alt 40 huse til de familier, der er evakueret. Husene er fordelt i fire steder:

• Uummannaq: Illut 31-t
• Ukkusissat: Illut pingasut
• Saattut: Illut marluk
• Ikerasak: Illut sisamat

Inoqutigiinni 40-sini marluk siulliit ullumi, juulip 19-ani illussaminnut nuussinnaalissapput. Illut sinneri ukiamut nutserfigineqariaannanngorlutik naammassinissaat naatsorsuutigineqarpoq.

- Ineqarneq toqqissisimasumik inuuneqarnissamut toqqammaviuvoq, taamaattumik nuannaarutingaara illut kommunalbestyrelse sinnerlungu ajunaarnersuarmi eqqorneqarsimasunut tunniussinnaangakkit, borgmesteri allappoq.

Suliarineri tamarmik, suliassat piareersarlugit pilersaarusiugaaneri, sanaartornernik siulersuinerit aamma sanaartorfigissaanerit ilanngullugit, 110 milliuunit koruunit missaannik naleqarput. Illut 89 milliuunit koruuninik naleqarput.

Illunut sanaqataaffiusunut taarsigassarsiat pillugit inatsisaasumik illut malittarisassaqarput.

- Namminersorlutik Oqartussat inissiaatinik aqutsineq ajorput, taamaattumillu illut siunertamut atorneqassappata iluarsiissutip nassaarinissaa pisariaqarpoq, tusagassiutinut nalunaarummi allassimavoq.

Taamaammat Namminersorlutik Oqartussat illut Avannaata Kommunianut tunniunnissaanut allagaammik suliaqarput, kommunillu illut aqunneqarneri maanna isumagilerpaa.