Inoorlaat amerlasuut hashimik atuisuullutik inunngortut
Naartunerup nalaani ikiaroornartumik atuisut amerlassusaat qularnaatsumik kisitsisaatigineqanngillat, kisianni ajornartorsiut annertusiartortoq nalilerneqarpoq.
Naartunermi hashimik atornerluisuuneq imigassamik atornerluisuunermit maanna ajornartorsiutaanerujussuuvoq, peqqinnissaqarfimmit taama naliliisoqarpoq.
AG taama allaaserisaqarpoq.
Hashimik atornerluinerup meeqqap inerikkiartornera eqqorsinnaavaa. Ajornerpaaffiani meeqqat qarasaat innarlerneqarsinnaapput.
- Kisianni ilimatsaappara ajornartorsiut tamanna annertusiartortoq politikkikkullu eqqummaariffigineqarnerusariaqartoq. Pitsaaliuinermi suliniarneq annertunerujussuusariaqarpoq aammalu atornerluisut akornanni angajoqqaanngortut meeraallu ikiorluarneqarnerusariaqarlutik, Rikke Louise Kuhn oqarpoq.
Ikiaroornartumik atuineq annertusoq innuttaasut peqqissusaannik 2014-mi misissuinermi uppernarsineqarpoq. Tassani aperineqartut affai sinnerlugit ikiaroornartumik misileereersimapput, angajoqqaallu ilaasa tassa naartunerup nalaani atornerluinertik ingerlatiinnartarpaat.
Ajornartorsiut pillugu AG-mi paasisaqarnerusinnaavutit, tassani haship timimiinnerata inoorlaaq qanoq sunnertarneraa allaaserineqarpoq: