Inoorlaaq coronavirusimik tunillanneqarsimasoq
Kinami nakorsat naartusut meeqqaminnik coronavirusimik tunillaasinnaanerat mianersoqqussutigaa.
Arnat naartusut coronavirusimik tunillatsisimasut ilumiortik tunillassinnaavaat.
Kinami TV-qarfik CCTV naapertorlugu illoqarfissuarmi Wuhanimi nakorsat pingasunngormat taamatut oqarsimapput.
Nutaarsiassaqartitsivik Reuters allappoq.
Arnaq coronaviruseqartoq februaarip aappaani ernimmat mianersoqqussuteqartoqarpoq.
Meeqqap inunngorneranit 30 tiimit qaangiummata nakorsat coronaviruseqarsoralugu misissorsimavaat.
Meeraq inunngorami imatut ajoquteqaranilu kissarneqarsimanngilaq. Meerarli anersaartorniarnermigut ajoquteqartoq paasinarsivoq, napparsimmavimmi nakorsat ilisimatitsipput.
Kingusinnerusukkut qinnguartaavimmi misissuinerup takutippaa, meeraq puammi eqqaani aseruunneqartoq.
- Tamatuma eqqaasippaatigut, anaanap meeqqaminik tunillaasinnaanera eqqumaffigisariaqaripput, Wuhanimi meeqqat napparsimmavianni nakorsaaneq Zeng Lingkong oqarpoq.