Innuuttaasumit siunnersuut: Kalaallit Nunaat Danmarkimi ilinniartitsissutigineqartalissaaq

Naalagaaffeqatigiinnerup Danmarkip atuarfiini ilinniartitsissutigineqartalernissaa suliniaqatigiiffiit assigiinngitsut siunnersuuteqarput. Atsiornerit 50.000-it nassiunneqarsinnaappata Folketingimi oqaluuserineqassaaq

Danskit meerartaasa Kalaallit Nunaat aamma Naalagaaffeqatigiinneq pillugu ilinniartinneqartalissapput. Aamma tamanna ilinniaqqiffinni atuutissaaq.

Operation Dagsværk suliffeqarfiit qulingiluat peqatigalugit taama isumaqarpoq.

- Kalaallit Nunaat Danmarkilu naligiinnerulernissaat tassani siunnertaavoq, Operation Dagsværkimit Johanna Munch Skylv oqarpoq.

Maanna Kalaallit Nunaanni meeqqanut susassaqartitsinissaq anguniarlugu suliniuteqartoqarpoq.

- Inuit oqaloqatigineranni aatsaat taama isummanik pigiliutiinnakkanik kusanaatsunik amerlatigisunik tusaasaqarpugut. Tamanna allanngortinniarlugu suliniuteqartoqalerpoq, Johanna Munch Skylv oqarpoq.

Operation Dagsværkip aallartisarnerani kalaallit inuusuttaat qanoq danskinit qisuariarfigineqartarsimanersut aperineqarput.

- Kalaallit aalakoortartut immiaaqqamullu naleqqersuunneqartartut amerlapput. Kisitsisimma takutitaat allaapput, danskit kalaallinit imernerupput, taamaattumik kukkusunik kalaallit oqariartorfigineqartarput, oqarpoq.

Ungommens Røde Kors, Foreningen Grønlandske Børn, Avalak, Kaalallit Røde Korsiat aamma Kalaallit Illuutaat siunnersuummut aamma suleqataapput.

Powered by Labrador CMS