Skip to main content

Innuttaasut: Ukunani sipaarniartoqassanngilaq

Ataqatigiissumik aningaasarsiorneq inissisimaannassappat suut sipaarniarfigineqarsinnaanersut aamma suut sipaarniarfigineqassannginnersut Sermitsiaq.AG-ip inunnut apeqqutigai

Utoqqaat amerliartuinnarnerisa Kalaallit Nunaata aningaasaqarnera tatisussaavaat, utoqqarnik isumaginninnermut peqqinnissaqarfimmullu aningaasartuutaasartut amerlisussaanerat pissutigalugu. Peqatigitillugu inuit sulisinnaassuseqartut ikiliartortussaapput.

Taamaattumik Aningaasaqarnermut Siunnersuisooqatigiit innersuussutigaat sipaarniartoqassasoq.

Innuttaasut qanoq isumaqarnersut paasiniarlugu Sermitsiaq.AG paasiniaavoq.

Immikkoortortaqarfiit ukunani suut sipaarniarfigineqassannginnersut apeqqutigineqarpoq:

  • Ilinniartitaaneq
  • Isumaginninneq
  • Napparsimaveqarneq
  • Namminersornerup ataani suliaqarfiit Danmarkimit angerlaanneqarneri
  • Attaveqaqatigiinneq 

Innuttaasut oqaloqatigineqartut toqqaaqquneqarput suut immikkoortortaqarfiiit pingasut sipaarniarfigineqassanngitsut.

Nukappiaaluk Hansen

Kim Nielsen Mørch: 

- Ilinniartitaaneq, napparsimaveqarneq ilinniartitaanerlu. Taakkunani sipaarniartoqannginnissaa kissaatiginarpoq, isumaqarpungalu akisussaaffiit Danmarkimit maannakkut angerlaanneqarnissaat pisariaqarpallaanngitsoq. Tassani sipaartoqarsinnaappat ajussanngilaq.

Nukappiaaluk Hansen

Nuunu Olsen:

- Ilinniartitaaneq, isumaginninneq aamma napparsimaveqarneq. Nunarput siumut ingerlariaqqissappat ukunani sipaarniartoqarnissaa kissaatiginanngeqaaq. Immikkoortortaqarfinni allani sipaarniartoqarsinnaavoq.

Nukappiaaluk Hansen

Bolette Susanne Løvstrøm:

- Napparsimaveqarneq, ilinniartitaaneq aamma isumaginninneq. Pingaartippara napparsimaveqarfimmi sipaarniartoqannginnissaa, tassani atukkat ilisimavakka tassanimi maanna ilinniagaqarama. Tassani sipaarniartoqannginnissaa neriuutigaara.

Nukappiaaluk Hansen

Napaartoq Petrussen: 

- Isumaginninneq, attaveqaqatigiinneq ilinniartitaanerlu. Taakku inuiaqatigiinnut pingaaruteqartuupput. Mittarfissat siunissamut pingaarutilimmik inissisimalertussaapput, aningaasanik isaatitsisussaapput immikkoortortaqarfinnut allanut aningaasalersuisutut inissisimalissalluni.

Nukappiaaluk Hansen

Johan Fleischer:

- Isumaginninneq, ilinniartitaaneq napparsimaveqarnerlu. Immikkoortortaqarfiit amerlavallaat sipaarniarfigineqartarput, saniatigut Royal Greenlandip aamma Tele-Postip sinneqartoorutai mittarfiliornissanut, isumanni kukkusumik aalajangerneqarsimasumi, aningaasaliisoqartarpoq. Mittarfiliornissat akerleraakka, kukkusaapput. Aamma 800 million koruuninik suli uunga qaavatigut akiliisoqartussaavoq, uagut innuttaasut akiligassarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER