Skip to main content

Innuttaasut: Angallanneq ima pitsanngortissinnaavarsi

Isorliunerusuni najugallit Inatsisartuni Aningaasaqarnermut Akileraartarnermullu Ataatsimiititaliamit naalakkersuisunut kaammattuutigineqartut isumaqatigaat, tassa Upernavimmi Uumannamilu angalasunut sullissineq kiffartuussinissamut isumaqatigiissummi pitsanngorsarneqartariaqartoq.

Upernavimmiup Ane Marie Jørgensenip aamma Nanortallip eqqaani Tasiusarmiup Kristiane Isaksenip, Inatsisartuni Aningaasaqarnermut Akileraartarnermullu Ataatsimiititaliap siulittaasuata, Hermann Berthelsenip, naalakkersuisunut kaammattuuttai isumaqatigilluinnarpaat, tassa Upernavimmi Nanortallillu eqqaani innuttaasut angallannikkut kiffartuussinissamut isumaqatigiissutip iluani kiffartuunneqarnerat pitsanngorsartariaqartoq.

Aviisi Sermitsiaq taama allappoq.

Qeqertarsuup Tunuani najugallip Susanne Thorleifsenip aamma Sarfannguarmiup Paarnannguaq Jonathansenip, kiffartuussinissamut isumaqatigiissuteqarfigineqartut ajorinngilaat, taamaattorli pitsanngorsaasoqarsinnaasoq oqariartuutigalugu.

– Upernavimmi ukiuunerani marlunngorneq, pingasunngorneq sisamanngornerlu unnunnerinnaani timmisartoqartarpoq, angallassinerit weekendertaqanngitsut ullaakkut ullukkullu angalasinnaaneq ajorpugut. Akitigullu unammilligassaajuaannartuulluni, Air Greenlandip akikilliliissutai atornianngikkaanni angalaneq akisusarpoq, Ane Marie Jørgensen oqarpoq.

Nanortallip eqqaani Tasiusamit Kristiane Isaksen Disko Linemut ilaalluni septembarimi Qaqortumut erniartorluni angalaqqammerpoq.

- Ukiakkut imarluttalernerani angallammik erniartorneq tulluanngitsorujussuuvoq uanga nammineq tamanna septembarimi erniartorninni misigivara, imaq aalasangaarmat Qaqortumut erniartorninni aqqutaani manngertittaaleraluarpoq. Disko Line aasaanerani angallammik kisimi angallassisarami massakkullu oktobarimi suli aamma angallassisarluni imarluttangaarmat tulluanngikkaluarpoq, Kristiane Isaksen oqarpoq.

Aviisimi Sermitsiami atuarnerusinnaavutit. Aviisi uani pissarsiarisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER