Innuttaasut
Innuttaasut ukiuni 20-ni aatsaat taama ikitsigisut
Innuttaasut suli ikiliartorput. Innuttaasullu amerlassusaat ukiuni 20-ni taama appasitsiginikuunngillat, Naatsorsueqqissaartarfik ilisimatitsivoq
Kalaallit Nunaanni suli ikiliartuinnarpugut. Januaarip aallaqqaataani 2016-imi 55.847-t Kalaallit Nunaanni najugaqarput.
Taamaalilluni 2015-ip ingerlanerani innuttaasut 137-nik ikileriarput. Maanna innuttaasut ukiut 20-t kingulliit ingerlaneranni aatsaat taamak ikitsigilersimapput, Naatsorsueqqissaartarfik taama ilisimatitsivoq.
Ukiut sisamat tulleriit
Innuttaasut amerlassusaat 2012-imilli ukiut sisamat kingulliit ikiliartuinnarput, tassani januaarip aallaqqaataani inuit 56.749-simapput, taamaalilluni ukiut sisamat kingulliit ikiliartuinnarlutik.
Atuaruk: Kalaallit amerlassusaat eqikkiartorpoq
Kommunini marlunni amerleriartut
Kommuneqarfik Sermersuumi aamma Qeqqata Kommuniani innuttaasut 2015-imi januaarip aallaqqaataanit 2016-imi januaarip aallaqqaataanut amerleriarput, amerleriaataasit tassaapput inuit 163-it aamma 26-t.
Kommune Kujalliup innuttaasui 2015-ip ingerlaneranik inunnik 159-inik ikileriarput, Qaasuitsup Kommunianilu aamma innuttaasut 160-inik ikileriarlutik.
Atuaruk: Nunatsinni innuttaasut maannakkut 56.000-t ataappaat
Assip ataani grafimik takussutissiaq takuuk