Innuttaasut siunnersuuterpassuaqartut
Illoqarfiit pingaarnersaata kommuniani ineriartortitsinissamut sunniuteqarusuttut amerlaqaat, aaqqissuussap atuutsinneqarlerneranit qaammatit marluk qaangiutiinnartut siunnersuutigineqarsimasut katillutik 17-iupput.
Pisuinnaat aqqutaat, aqqusernermut qaammaqqut, sukuutsertarfik, ooqattaasarfik, pisuinnaat ikaarfissaat, pisuinnarnut aqqutissiaq eqqaaviillu amerlanerit illoqarfiit pingaarnersaata kommuniani innuttaasut siunnersuutaasa ilaminiiinnaraat, kommunimilu politikkerinit isumagineqarnissaannik kissaatigineqartut.
Siunnersuutigineqarsimasunit 17-iusunit marluk innuttaasunit allanit 250-init isumaqatigineqarlutik taasissutigineqarsimapput, siunnersuutip kommunalbestyrelsimi suliarineqarnissaanut taakku killissarititaapput.
Stort fremskridt
Borgmesterip Charlotte Ludvigsenip siusinnerusukkut oqaatigisimavaa, innuttaasut siunnersuuteqarsinnaanerat siuariarnerujussuussasoq, innuttaasummi namminneq iliuuseqarnissamut tamatumuunakkut periarfissinneqarmata, tamatumalu saniatigut isumassarsianik nutaanik saqqummertoqarsinnaanera neriuutiginerarsimallugu.
- Neriuppunga, naatsorsuutiginngilluinnakkannik siunnersuummik takkuttoqarumaartoq. Siunertaavorlu isumassarsianik nutaanik saqqummertoqarnissaa, kommunip nittartagaa naapertorlugu Charlotte Ludvigsen taamatut oqarsimavoq, nittartakkami innuttaasunit siunnersuutigineqarsimasut tamarmik takuneqarsinnaapput.
Arpaffik aamma mountainbikertarfik
Siunnersuutit marluk pisariaqartinneqartumik taperserneqarsimasut tassaapput, Quassussuaq kaajallallugu mountainbikertarfeqarnissaq aamma arpaffik 400 meterisut takitigisoq. Kommunalbestyrelsimi ilaasortat siunnersuutigineqartut piviusunngortinneqarsinnaanersut nalilersussavaat.
Kommunalbestyrelsip kingulliup apriilip arfernani kingullermik ataatsimiikkamik innuttaasut siunnersuuteqarsinnaanerannut aaqqissuussamik atuutsitsilertoqarnissaa aalajangersimavaat.
Aamma atuaruk: Innuttaasunik peqataatitsineq: Sermersooq Danmarkimi periuserineqartumik ilaarsiniartoq
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...