Skip to main content

Innuttaasut pisortanut akiitsui ikiliartulersut

Akiligassat kinguaattoorutit ajunngitsumik ikiliartortinneqalerput. Qujanartumik ilaatigut pilersaarusiukkamik suliniuteqartoqarneratigut innuttaasut amerlanerusut ineqarnerminnut akiliisalerput. Tamatuma nuna tamakkerlugu atuutilernissaa siunertaralugu siaruarterneqassaaq.

2019 nutaarsiassamik pitsaasumik aallarnerneqarsinnaanngorpoq: Tassami innuttaasut pisortanut akiitsui kiisami eqqortup tungaanut aallarsimapput.

Aviisi AG taama allappoq.

Akileraartarnermut aqutsisoqarfiup aningaasanik akiliisitsiniartarnerani periaatsimi paasissutissat kingulliit taama takussutissiipput.

2017-imit 2018-imut akiligassat kinguaattoorutit taamaalillutik 37millionit koruuninik ikileriaateqarput.

- 2018-imi aggustimi akiligassat kinguaattoorutit 759,6 millionit koruuniupput, 2017-imi aggustimi 796,3 millionit koruuniusimagaluarlutik, aqutsisoqarfimmi pisortaq Kim Neumann AG-mut taama ilisimatitsivoq.

Suliat amerliartorput

Pitsaasumulli ingerlasoqarnera​​​​​​​ akiliisitsiniartarnermut suliat ikinnerulernerannik ersersitsinngilaq.​​​​​​​ Tamakkumi amerlanerulersimapput. 313.000 koruuniusimariarlutik 319.000 koruuninngorsimagamik. Eqqagassalerinermut akiligassat kinguaattoorutit ingammik amerlapput – innuttaasut amerlavallaartut eqqakkanut akiligassatik toqqortariinnartarpaat.

Akileraartarnermut aqutsisoqarfiup innuttaasut akiligassaat ukiuni arlaqalersuni ilungersuutigisimavai. Akiligassat kinguaattoorutit amerlanerpaagamik 1 milliardit koruunit sinneqarput. Suliniut 2018-imi ingerlateqqinneqarpoq Kim Neumann Nielsenillu naammagisimaarlugu maluginiarpaa,​​​​​​​ soorlu akileraarutinut A-nut ineqarnermullu akiligassat kinguaattoorutit ukiup aappassaanni ikileriaateqarmata.

Pisortanut akiitsut amerlanerulinnginnissaannut suliniut pillugu AG-mi atuarnerusinnaavutit – Aviisi AG uani ataani atuarsinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER