Skip to main content

Innuttaasut naliliinerat: Akitsuusiineq ajorluinnarpoq

Akitsuutit nutaat Nuummi innuttaasunit nuannarineqanngivipput. Innuttaasut isumaat tusarniarlugu Sermitsiaq.AG apersuiartorpoq.

Nioqqutissat assigiinngitsut akii pisiniarfinni ullumi nalimmassarneqaleruttorput. Mamakujuttut, cigarettit, immiaaqqat puussiallu nunatsinnut eqqunneqartillutik akitsuuserneqarneranni pisiniarfiit ajunaaruteqannginnissartik anguniarlugu akit iluarsartuutilereerpaat.

Nuummi innuttaasut arlallit tupaallaatigaat siunnersuut Inatsisartuni ippassaq saqqummiunneqarlunilu akuerineqartoq.

Innuttaasut naammaginngilluinnarpaat akitsuutit aqqutigalugit pissaqarnerusut suli iluanaartussaanerat.

Leiff Josefsen

Otto Eugenius:

- Tupaallannareqaara tassanngaannarujussuaq taamaaliortoqarmat. Sivisunngilaq kingullermik taamaalioramik, aamma massakkut tupigivara juullilersorsuaq taamaasiormata. Meerartagut eqqarsaatigissagaanni allaanngiivikkamik mamakujuttussaannik arsaagaaginnartut. Pisiniarfinnut ippassaq alakkarterivunga, kisianni sioraasat nungoreersimagamikkit. Alakkarterininni sioraasarsiniarpassuit mamakujuttusiniarpassuillu takuakka.

Leiff Josefsen

Else Thorsen:

- Pujortarneq ajorpunga aamma imerneq ajorpunga. Kisianni mamakujuttut! Ilaa, meerarpassuaqarpunga aamma ernutarpassuaqarpunga, taakkulu juullimi mamakujuttussaqartikkusuppakka, maannakkut kisianni ernumavunga mamakujuttunut akissaqassanngissoralunga, førtidspensioneqarama. Eqqarsarpunga: Tassa juullikkunni mamakujoqarpiassanngilagut? Massakkorpiaq akitsuusiinerat assut kusanaappoq, taanna uanga akuersaarsinnaanngilara. Uagunaasit eqqugaavugut. Meeqqanaasiit eqqugaapput, aamma nalliuttuniinnaq mamakujuttutortaraluarunilluunniit.

Leiff Josefsen

Gerth Sigurdsen:

- Ingasappallaaqaaq, pissutigalugu naalakkersuisut imminnut tunisinnaagunik taamarsuaq, sooq taava akitsuutinik taamarsuaq akitsuissappat? Tupigusuutigilaarpara sooq imminnut salliutinnersut. Matoqqavallaarujussuarput inuiaqatigiinnillu sullissinerat naammaginarani. Qulaatiinnarluta aqutsinerat kusananngilaq.

Leiff Josefsen

Lise-Marie Andreassen:

- Imigassanut tupanullu akitsuusiinerat ajorinngilara. Mamakujuilli puussiallu taamaasiorneqarnerat isumaqatiginagu, pisariaqarsorinngikkaluarparaluunniit. Inuiaqatigiit peqqinnerulernissaat eqqartorpaat, kisianni pinngitsaalillugit peqqinnerulertoqarsinnaanngilaq. Peqqinnerunissaq inuup nammineerluni aalajangertussaavaa. Inuttaasut peqqinnerulersinniarlugit pinngitsaaliiniartoqarsinnaanngilaq, nammineruna qinigassaq.

Leiff Josefsen

Iluuna Reimer:

- Isumaqataanngilanga. Inuiaqatigiit ikittunnguuvugut, affaasa missaat aamma ilinniarsimasuunngillat. Innuttaasut affaasa missaat pissakinnerusuupput, taakkuuppullu eqqorneqartussat. Mamakujuttut eqqarsaatigalugit, juullilersorsuarlu, tassaapput meeqqat aamma pissakinnerusut meerai, taakkuupput eqqorneqarnerpaasussat.

Leiff Josefsen

Dea Frederiksen:

- Isumaqatiginngilara. Iluanaaruteqartussaapput akitsuutininngaanniit. Kisianni soorlu uagut ilinniartut, qaammammusiagut qaffannikuunngillalluunniit. Ilinniartuuvunga, pingasunik meeraqarpunga, kollegianiissinnaannginnamalu inimut nalinginnaasumik akiliisarluta. Allatuulli meeqqat weekendini mamakujuttuserusuttarpakka. Nuannarinngilara tassanngaannartumik taama aalajangertoqarnera.

Nuummi ilaqutariinnut meeraaraatilinnut naartusunullu najugaqarfiutigalugu katsorsaanermik neqerooruteqartarfik nutaaq
Najugaqarfiutigalugu katsorsaanermik neqerooruteqartarfimmi ilaqutariit toqqissisimasumik avatangiiseqarnissaat meeqqallu ineriartornerata atugarissaarnissaatalu qitiutinnissaa pingaartinneqarpoq
Sermiligaami nunaqarfiup orpia kiisami ikinneqartoq
Sermiligaami silarlunnera peqqutaalluni pilersaarut malillugu orpik ikinneqanngitsoorpoq. Silali qatsuunnartoq nunaqarfimmi innuttaasut orpiup ikinnera nalliuttorsiutigaat.
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER