Innuttaasut amerleqqiallalaarsimapput
Kalaallit Nunaanni inuit ukiup ataatsip ingerlanerani 142-nik amerlisimapput. Taakkunannag 100-t Kalaallit Nunaanni inunngorsimallutik, sinneri nunanit allaneersuupput.
Naatsorsueqqissaartarfiup inuttaasut amerlassusaat, ukiumut marlorialuni naatsorsorneqartartut – 1. januarimi aamma 1. julimi - saqqummiuteqammerpai.
2001-mi innuttaasut amerlanerpaagamik 56.890-iusimariarlutik aikiliartuinnavissimagaluarput, taamaattoq ikiliartornerat immaaqa maanna unissimavoq, efterskolenili atuartut corona pissutigalugu angerlartinneqarsimasut tamatumunnga pissutaaqataasinnaapput.
Kalaallit Nunaannit inunngortut ikilisimasut
2018-imi januarip aallaqqaataani allamut nutsertut eqqarsaatigalugit Naatsorsueqqissaartarfik allappoq:
- Takuneqarsinnaavorlu innuttaasut Kalaallit Nunaanni inunngorsimasut ukiut marluk qaammatillua arfinillit ingerlanerini katillugit 900-nik ikinnerulersimasut. Akerlianik innuttaasut Kalaallit Nunaata avataani inunngorsimasut amerlanerulersimapput. 2019-imilu qaammatini siullerni marluinnarni 200-nik amerlanerulersimallutik. Tamatuma kingorna Kalaallit Nunaannut aamma Kalaallit Nunaannit nuuttartut amerlaqatigiiginnangajapput.
