Skip to main content

Innuttaasut 8020-t soraarnerussutisiassanut 75 millioner koruuninik akiitsoqartut

2018-imi sulisartut namminersorlutillu inuussutissarsiuteqartut tamarmik aningaasarsiamik procentiinik aalajangersimasunik soraarnerussutisiassanut pinngitsooratik ileqqaartussangortinneqarput. Akileraartarnermut Aqutsisoqarfiup inatsimmi piumasaqaatinik inuit qassit naammassinnissimanngitsut maanna tamakkiisumik takusinnaanngorsimavaa.

Inuit 8.020-t inatsit 2018-imi atuutilersoq naapertorlugu soraarnerussutisiassanut eqqortumik ileqqaarsimanngillat. Akilraartarnermut Aqutisoqarfiani naatsorsuutit tamanna takutippaat.

Soraarnerussutisiassat kontumu ileqqaarfiususumut suli nuunneqarsimanngitsut 75,3 millioner koruuniupput.

Amerlanerunissaannik naatsorsuuteqarsimaneq

Amerlassusaat aningaasallu annertussusaat ingasaginarsinnaagaluarput, soraarnerussutisiassanulli tunngatillugu inatsisip suliarineqannginnerani naatsorsuutigisimasamit ikinnerupput. Aningaasaqarnermut Naalakkersuisoqarfiup inatsimmut nassuiaatini nalilersimavaa, inuit 9000-it inatsimmik nutaamik malinnissagunanngitsut.

2018-imi innuttaasut 33.268-it soraarnerussutisiassanik pinngitsoorani ileqqaarnissamut inatsimmik malinnissimasut, Akileraartarnermut Aqutsisoqarfik ilisimatitsivoq.

Soraarnerussutisiassat 1000 koruunit inorlugit annertutigisut Akileraartarnermut Aqutsisoqarfiup iliuuseqarfiginianngilai. Inunnit 8.020-usunit 826-t 1.000 koruunit inorlugit soraarnerussutisiaqartussaavpput.

Sapaatip akunnerinik sisamanik periarfissiineq 

Inuit 7.194-it aningaasallu 74,9 millioner koruuninik annertussusillit decembarip sisamaat nallertinnagu sapaatip akunnerini sisamani periarfissaqarput soraarnerussutisiassanik aaqqiissuteqarnissmut. Aaqqiissuteqartoqanngippat 2020-mut akileraarnissamut allagartaq atorunnaarsinneqassaaq.

Sulisartut aningaasarsiaasa kiisalu B-tut isertitaasa fire procentii soraarnerussutisiassanut nuunneqartassaput. Isumaginninnikkut ikiorsiissutit ilaat, soorlu meeqqanut tapiissutit, isertitatut isigineqanngillat taamalu soraarnerussutisiaqarnissamut piumasaqaammut ilaatinneqaratik. Namminersortutut suliffiuteqaraanni sinneqartoorutit to procentii soraarnerussutisiassanut immikkoortinneqartassapput .

Nuannersoq

- Inatsit suliarineqarmat naatsorsuutigisat eqqarsaatigissagaanni, innuttaasut amerlanerit soraarnerussutisiassaminnut akiliuteqarsimanerat nuannerpoq, Akileraartarnermut Aqutsisoqarfiup allaffiani pisortaq Rannvá Clementsen fSermitsiaq.SG-mut oqarpoq.

- Naatsorsuutigaarput sapaatip akunnerini sisamani innuttaasut soraarnerussutisiassaminnut immikkut ittumik akiliuteqarsimanermik uppernarsaataanik nassiussinissamut periarfissaqartinneqartut akiliutaat ikineqarumaartut, allaffimmi pisortaq oqarpoq.

Imatut iliussaatit

inunnut 7.194-iusunut 1.000 koruunit sinnerlugit decembarip sisamaat nallertinnagu akileeqquneqartunut ilaaguit Akileraartarnermut Aqutsisoqarfik imatut siunnersuuteqarpoq:

  • Akileraartarnermut Aqutsisoqarfimmit akuerineqarput Kalaallit Nunaanni aningaaserivinnit kiisalu kalaallit danskillu soraarnerussutiassanik ingerlatsisuinit uppernarsaatit. Netbankimit takussutissaq akuerineqassaaq, innuttaasup pineqartup aqqa atorlugu soraarnerussutisiassanut nuussisoqarsimasoq erseqqissumik takuneqarsinnaappat. 
  • Innuttaasoq imaluunniit innuttaasup sulisitsisua namminneerlutik Kalaallit Nunaanni soraarnerussutisiassatut aaqqissuussamut akiliuteqarsimappat, akiliutigineqartoq Ukiumoortumik naatsorsuutini akiliutigineqarsimasup annertoqqatigissavaa. 
  • Innuttaasoq innuttaasulluunniit sulisitsisua namminneerlutik danskit soraarnerussutisiassanik aaqqissuussaannut akiliuteqarsimappata aningaasat nalimmassarneqassapput. 
  • Assrsuut: Ukiumoortumik naatsorsuutit 10.000 koruuninik ileqqaaruteqartussaanermik takutitsippata innuttaasorlu 43 procentinik akileraartussaappat, Danmarkimi soraarnerussutisiassanut akiliutigineqartut minnerpaamik ima naatsorsorneqassapput: 10.000 kr. x (100 – 43): 100 = 5.700 kr.
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER