Innuttaasut 46 procentii tamakkiisumik akiuussutissalerneqarsimapput

Nunatta Nakorsaaneqarfiata akiuussutissalertissimasut pillugit kisitsisaataasa takutippaat, innuttaasut affangajalluinnaat tamakkiisumik akiuussutissalerneqarsimasut, 35 procentiilu suli akiuussutissalerneqarsimanngitsut.

Corona.nun.gl-imi kisitsisit kingulliit takutippaat, innuttaasut 64 procentii siullermik akiuussutissalerneqarsimasut imaluunniit tamakkiisumik akiuussutissalerneqarsimasut.

Inuit katillugit 36.634-t siullermik kapitissimapput. Taakkunannga 26.090-it tamakkiisumik akiuussutissalerneqarsimallutik. Nunatta Nakorsaaneqarfianit erseqqissaassutigineqarpoq, inuit akiuussutissalerneqarsimasut Nunatsinni najugaqartuullutillu nunap avataani inuit allattorsimaffianneersuusut, Nunatsinni akiuussutissalerneqarsimasut.

Kisitsisit nung.gl-imi takukkit.

Akiuussutissalersuinissaq pilersaarusiorneqartoq

Sumiiffinni pingasuni aggustip 13-ata tungaanut akiuussutissalersuisoqarnissaa maannamut pilersaarutaavoq. Akiuussutissalersuinissat tullii pissapput Nuummi aggustip pingajuani, Sisimiuni aggustip tallimaani arfernanilu aamma Ilulissani aggustip aqqarnani, aqqaneq-aappaani 13-ianilu. Oqartussat erseqqissaassutigaat, akiuussutissalersuinerit aggustip 13-iani unitsinneqarnavianngitsut.

- Piffissami aggersumi akiuussutissalersuinissat pilersaarusiorneqaleruttorput. Siullermik kapitissimasut aappassaanik kapitinnissamut neqeroorfigineqassapput. Sumiiffinnili assigiinngitsuni akiuussutissalersuinissamut atatillugu ataqatigiissaarinermik suliaqartoqarnerusarpoq. Akiuussutissalersuinissamut pilersaarut naammassineqarniariarpat, pisortat nittartagaasigut najukkamilu nivinngaanikkut tamanut saqqummiunneqassapput, oqartussat nassuiaapput.

Akiuussutissalersuinissamut pilersaarut nun.gl-ikkut malinnaaffigiuk.

Powered by Labrador CMS