ukiumut naatsorsuutit
Innuttaasut 21.500-t akileraarutinit aningaasanik utertuussaapput
Akileraartarnermut Aqutsisoqarfik innuttaasunut 150 millionit koruuninik akiliuteqassaaq
Innuttaasut 21.469-it ulluni makkunani allakkatigut nutaarsiassatsialammik tusarput, tassani akileraarpallaarsimasut Akileraartarnermut Aqutsisoqarfiup nalunaarutigaa, taamaattumillu utertuussasut.
Namminersorlutik Oqartussallu naapertorlugit, aningaasat 150 millionit koruunit tunniunneqassapput.
Akiligassat ilanngullugit naatsorsussagaat
Innuttaasulli kontuannut 150 millionit koruunit tamarmiusut ikineqassanngillat, tassami pisortanut katillugu 44,2 millionit koruuninik akiligassaqaramik, taakkulu ilanngullugit naatsorsorneqassapput.
Kommunit aamma ingerlatseqatigiiffiit Ini A/S, Iserit aamma Nukissiorfiit katillugu 24,9 millionit koruuninik akiliiffigineqassapput, Namminersorlutik Oqartussallu 19 millionit koruuninnassallutik.
Akileeqqittussat
Akileraartartut 11.500-t illuanik alianarnerusumik nalunaarfigineqarput, taakku 178 millionit koruuninik akileraarutinik akiliissapput, Akileraartarnermut Aqutsisoqarfik ilisimatitsiovoq.