Innuttaasunik ataatsimiisitsinissat amerlineqartut
Naalakkersuisut Kuannersusarni aatsitassarsiornissa pillugu Kujataani tallimanngorneq allarnerfigalugu ullut tallimat innuttaasunik tallimariarluni ataatsimiisitsinissaq marlunnik ilasimavaat. Tassa Qaqortumi Narsamilu immikkut ataatsimiisitsisoqaqqissaaq.
Coronamut atatillugu killilersuinerit nalaanni Kuannersuarni aatsitassarsiornissaq pillugu innuttaasunik ataatsimiisitsinissat isornartorsiorneqangaatsiareersut Naalakkersuisunit nalunaarutigineqarpoq, Kujataani illoqarfinni marlunni anginerusunit ataatsimiisitsinissaq marlunnik ilaneqartut.
Naalakkersuisut innuttaasunik ataatsimiisitsinissamik ingerlatsiinnarniarnerat Kullermi komumalbestyrelsimit, Siumut siulersuisuunerannit nutaanit IA-milu politikkerinit arlalinnit isornartorsiorneqarsimavoq.
Ilaatigut arlalippassuit isumaqarput, coronamut atatillugu killilersuinerit malitsigisaannik innuttaasut ataatsimiinnernut najuussinnaanerat killeqartoq.
Qaartartumeerisoqarnissaanik sioorasaarisoqarsimammat politikkerit peqataanianngitsut
Narsami innuttaasunik ataatsimiisitsinermi qaartartumeerisoqarnissaanik sioorasaarisoqarsimagaluartoq, innuttaasunik ataatsimiisitsinissaq ingerlatiinnarniarneqarpoq, tassanili naalakkersuisut pingasut, Kim Kielsen, Jess Svane Jens-Frederik Nielsenilu peqataasussaagaluarlutik peqataanianngillat.
Immikkut ataatsimiisitsinissat saniatigut naatsorsuutigineqarpoq Qaqortumi Narsamilu ataatsimiisitsinerit video atorlugu toqqaannartumik ingerlanneqassasut.
Namminersorlutik Oqartussanit ilisimatitsissutigineqarpoq, tusarniaalluni ataatsimiisitsinermut Greenland Minerals A/S-imit inunnillu oqartussanut attuumassutilinnit peqataasoqassasoq.
- Suliamut teknikkimullu tunngassuteqartunik nalorniunnaarsitsisinnaasunik aperisoqarsinnaassaaq, taakkulu inunnit oqartussaneersunit attuumassutilinnit akineqarsinnaassapput, Namminersorlutik Oqartussanit oqaatigineqarpoq.
Sermitsiaq.AG ilisimatinneqarpoq, Namminersorlutik Oqartussanit uku peqataassasut:
Jørgen T. Hammeken-Holm, Aatsitassanut Naalakkersuisoqarfimmi pisortaq
Aatsitassanut Aqutsisoqarfimmi pisortaagallartoq
Aatsitassalerinermi Avatangiisinut Aqutsisoqarfimmi pisortaagallartoq
DCE-mit sinniisuutitaq, arlaannaannulluunniit attuumassuteqanngitsumik siunnersorti
Vidokkut peqataassaaq: Nunatta Nakorsaanera
Taakkua saniatigut Narsami Qaqortumilu ataatsimiisitsinernut peqataassapput Greenland Mineralsimi sulisut sisamat, Austarliamiillu video aqqutigalugu peqataassallui pisortaaneq John Mair.
Borgernes kommentarer skal indgå i videre forløb
Apeqqutit, akissutit oqaaseqarfigisallu tamarmik sukumiisumik nalunaarusiamut ilanngunneqassapput, taamaalillunilu taakku Naalakkersuisut aalajangiinissaminni toqqammavigissavaat.
Tusarniaanermut atatillugu ataatsimiisitsinissat imatut ullulerneqarput:
Naalakkersuisut forventer at afholde høringsmøder med politisk deltagelse på et senere tidspunkt.