Kalaallit Nunaanni sakkutooqarnikkut annertusaasariaqalissagaluarutta, qularnaartariaqarparput tamatuma innuttaasunut iluaqutaanissaa.

Aaja Chemnitz, IA-mit Folketingimut ilaasortaq taama oqarpoq.

Taamaammallu Hotel Hans Egedemi innuttaasunut aamma illersornissamut soqutiginnittunut pingasunngornermi nalunaaqutaq 17.00 matunik ammatitsiniarpoq.

Kalaallit Nunaat isumannaallisaanikkut politikkimut tunngasunik aamma isumannaallisaaneq pillugu upernaamut Folketingimi isumaqatigiinniarnissaq, ataatsimiinnissami siunertaapput.

- Maanna isumannaallisaanermi politikkikkut inissisimalernerup kingunerisa ilagaat Kalaallit Nunaata Issittullu illersornissamut sillimaniarnermullu politikkikkut pingaaruteqarneruleriartuinnarnerat. Ilimagisinnaavarput tamanna illersornissaq pillugu isumaqatigiissutissami ersissasoq, taamaammallu Kalaallit Nunaata ersitsinneqarnissaa pillugu tamat oqartussaaqataanerat tunngavigalugu oqallittoqarnissaa pisariaqartipparput, Aaja Chemnitz tusagassiuutinut nalunaarummi oqarpoq.

Isumassarsiat siunnersuutillu

Tassani atuarneqarsinnaavoq sulisut immikkullu ilisimasallit saqqummiissasut, maanna isumannaallisaanermi politikkikkut inissisimaneq tamatumalu Kalaallit Nunaannut qanoq sunniuteqarsinnaanera pillugit saqqummiissasut.

Peqataasussat ilaatigut tassaapput ambassadør Michael Zilmer-Johns aamma peqatigiiffik Folk & Sikkerhed maanna pissusiusunik naliliinerminnik saqqummiisussat.

Kingorna workshoppertoqassaaq, isumannaallisaaneq pillugu isumaqatigiissutissamut innuttaasut siunnersuuteqarlutillu isumassarsiaasinnaasunik saqqummiiffigisinnaasaannik.

Innuttaasunik ataatsimiisitsineq nalunaaqutaq 18.30 tungaanut ingerlanneqassaaq.

Nutaarsiassat

Siunissami Nuup Saavata isikkussaa pillugu aaqqissuussaq alakkarluarneqartoq

Sapaammi maajip ulluisa 21-anni Nuummi innuttaasunut tamanut Nuup Saavata siunissami qanoq atorneqarnissaa pillugu workshoppertitsisoqarluni paasisitsiniaasoqarpoq aamma...

7.klassit Nuummi eqqakkanik katersillutillu immikkoortiteripput

Maajip ulluisa 23-anni 2023-mi Nuummi atuarfinni arfiniliusuni 7.klassit sullisitik ativaat, Saligaatsoq 2023 ingerlanneqarnissaanut ”kissassiillutik” ikiutaallutik Nuummi eqqakkanik...