Innuttaasuni 2.237-it suliffissaaleqipput
Suliffissaaleqisut 647-inik siorna februarimut sanilliullugit ikinnerupput
Annonse
Februaarimi inuit 2.237-it suliffissarsiortutut nalunaarsorneqarsimapput, taakkunannga 414-it nunaqarfinneersut.
Tamanna katillugu ukiup siulianit qaammammi tassani 647-inik ikileriarneruvoq. Ukioq kingulleq augustimi suliffissaaleqisut 2.884-ummata.
Naatsorsueqqissaartarfimmit kisitsisit tamanna takutippaat.
Angutit 1.324-it suliffissaaleqisuusut kisitsisit takutippaat, arnat 913 t suliffissaaleqisuullutik. Inuusuttuni suliffissaaleqisoqarnerpaasoq kisitsisit takutippaat, tassami 20-nit 24-nut ukiullit 316-t suliffissaaleqisuummata.