Innuttaasoq akerliussutsimik takutitsisoq: US GO HOME
Ewald Simonsen ataasinngormat ualikkut serpalittaammik nassarluni USA-p nunami maniinneranut isummani aninniarlugu pisuttuarsimavoq. Tamatuma malitsigisaanik Issittumi Sakkutooqarfimmi sulisut qimagutsissimavaat, pisorlu politiinut nalunaarutigalugu.
Qalipaat aappaluttoq Nuummi nuannarineqarluinnalersimavoq. Issittumi Sakkutooqarfiup silataani aqqusineq ataasinngormat US GO HOME-mik (USA-mut angerlarniaritsi) allaffigineqarsimavoq. Angutip allassimasup allatani eqqumiitsuliaanerarlugillu kiffaanngissuseqarluni oqarsinnaatitaanerup aqqani iliuusaanerarsimavaa.
- USA-p nunami maani akuliukkiartuinnarneranut qisuariartukippallaaqaaq, soraarninngorneq Ewald Simonsen, Nuutoqqamiittumi Tuapannguani tummeqqat naaneranni iliuuserisimasami assiganik allassimasoq oqarpoq.
Serpalittaammilli allattuineq unitsinneqariasaarsimavoq, Issittumi Sakkutooqarfimmi sulisut pingasut anillallutik qimaguteqqummassuk.
Pisoq politiinut nalunaarutigineqarsimasoq
- Qimagutsitaalluni angutinillu pingasunit uniformilinnit Issittumi akkutooqarfimmeersunit assersorneqarluni ingasappoq. Killersugaanngitsumillu inatsisit tunngaviusut malillugit oqaaseqarsinnaatitaanera atorlugu isummakka aniinnaraluarpakka, Ewald Simonsen nassuiaavoq.
Issittumi Sakkutooqarfimmit Sermitsiaq.AG-mut ilisimatitsissutigineqarpoq, angut pineqatoq qalipaajunnaaqquneqarlunilu sumiiffimmit qimaguteqquneqarsimasoq, tamatumalu kingorna pisoq politiinut nalunaarutigineqartoq.
Politiit tamatuma kingorna ilisimatitsissutigaat, Issittumi Sakkutooqarfik kikkut tamat aqqutigisinnaasaannit kimilluunniit qimagutsitseqqusaanngitsoq.
- Issttumi Sakkutooqarfimmit tamanna ajuusaarutigaarput, ullaaq mannalu sulisunut tamanut malittarisassat sukateriffigineqarput. Politiit Issittumilu Sakkutooqarfiup inuk pineqartoq qimauteqquneqarmat sakkortuumik pisoqarsimanersoq ilisimanngilaat, Issittumi Sakkutooqarfimmi ilisimatitsissutigineqarpoq.
Politiit uppernarsarpaat, Issittumi Sakkutooqarfiup silataani ataasinngormat ualikkut allattuisoqarsimanera politiinut nalunaarutigineqarsimasoq.
- Ornigussimavugut nalilerlugulu aserorterisoqarsimanngitsoq, politimesteri Bjrøn Tegner Bay oqarpoq.
Ewald Simonsen taamaalilluni inatsisinik unioqqutitsisimanngilaq.
Ilatsiinnarnermik qatsussisoq
- Nunami manni inuit ilatsiinnartarnerat qattuteqaara. USA imminuinnaq eqqarsaatigaluni maniippoq. Maannalu 80 millioner koruunerluta pisiariniarsarivaatigut, nunami ilisimasutarnermut aningaasaliissuteqarlutik, taanna oqarpoq.
- USA-mut ilaalissanngilagut. USA ikiortigalugu namminiilivinnissamik tarkorluuisut kukkorujussuarput. USA-p nunami maani sunniuteqartinniarnera ulorianartupilussuuvoq, Ewald Simonsen oqarpoq.
Ewald Simonsenip Sermitsiaq.AG-mut oqaluttuaraa, Danmarkimi Rigshospitalimi qaammammi kingullermi suliaritissimalluni, taamaammallu amerikamiut Nuummi konsuleqarfeqalernerannut aatsaat qisuariarsimalluni.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...