Innutaasut peqqissusaat: Meeqqat pitsaanerusumik atugaqarnissat qitiutinneqartoq
Naalakkersuisut innuttaasut peqqinnerulernissaannut pilersaarut, ukiuni qulini atuuttussaq saqqummiuppaat. Anguniagaavoq, meeqqat tamarmik inuunerisa pitsaasumik peqqinnartumillu aallartissinnaanissaat, meeraanerminnilu inuunerissaarluarsinnaanissaat.
unami meeqqat tamarmik inuunerisa pitsaasumik peqqinnartumillu aallartissinnaanissaat qitiutillugu, innuttaasut peqqinnerulernissaannut pilersaarut, Inuueritta III, Naalakkersuisut marlunngormat saqqummiuppaat.
Tamanna pivoq kulturikkut illorsuarmi Katuami tusagassiortunik katersortitsinermi, Naalakkersuisut Martha Abelsen (S), Anna Wangenheim (D) aamma Karl Frederik Danielsen (S) innuttaasut peqqinnerulernissaannut pilersaarummik saqqummiussimmata.
Ukiuni qulini pilersaarut ingelanneqassasoq
Innuttaasut peqqinnerulernissaannut pilersaarutaasarsimasut siulliit ukiuni tallimani atuutilersinneqarnissaannut piffissalerneqartarsimapput, pilersaarulli manna ukiuni qulini atuutilersinneqarnissaannut piffissalerneqarsimalluni.
- Ukiuni qulini suliniuteqarnissamut piffissaliinikkut iliuuserineqartut itinerusumik suliarinissaannut periarfissiisoqarpoq. Meeqqat inuunerissut pillugit anguniakkamik ikorfartuisunik iliuusissanik toqqartuillunilu pingaarnersiuinermut atugassanik ilisimasanik tunngaveqarluarnissamut najukkani paasissutissat qulakkeerinnissapput, Namminersorlutik Oqartussanit oqaatigineqarpoq.
Inuuneritta III anguniakkanik iliuusissanillu aalajangersimasunik ineriikkanik aaqqiissuteqanngilaq. Naleqqat sisamat sulinermik aqqutissiuissapput, Namminersorlutik Oqartussat nalunaarutigaat.
Siammasissumik suleqatigiinneq
- Innuttaasut akornanni peqqinnerunissap atugarissaarnerunissallu iluini ilorraap tungaanut allannguisoqassappat, oqartussaasoqarfiit assigiinngitsunik suliallit akornanni, sapinngisamillu innuttaasut qaninnerpaamik suleqatigilluarlugit iliuuserisassat inerisarlugillu atuutilersinneqartariaqartut, ukiuni qulinit 15-it tikillugit peqqissutsimik siuarsaarnermik suliaqarnermi misilittakkat ersarissumik takutippaatt.
Inuunerittamik iliuuserineqarsimasunut siuliinut sanilliullugu Inuuneritta III peqqissutsimik siuarsaanissamik annertunerusumik ukkataqarpoq.
- Inuuneritta III-mi iliuuserisassat oqartussaasoqarfiit assigiinngitsunik suliallit akornanni, sapinngisamillu innuttaasut qaninnerpaamik suleqatigilluarlugit inerisarlugillu atuutilersinneqartariaqartut, Namminersorlutik Oqartussanit oqaatigineqarpoq.