Skip to main content

Innimiilliornermut tunngasunik suliaq: Partiit suliffimmi atukkat eqqumaffigigaat

Siumumi allattaanerup Mikael Petersenip arnanut arlalinnut Siumup partiiata allattoqarfianut attuumassuteqartunut kannguttaatsuliorsimasutut eqqartuunneqarnera partiit allat suleriutsiminnik misissuisimanerannik kinguneqarsimavoq.

Arnat sisamat Siumumut attuumassuteqartut Siumumi allaattaanerusimasumit Mikael Petersenimit kannguttaalliorfigineqarsimanerannut suliaqartoqareernerani, nunatsinni partiit amerlanersaat partiiminni sulinermi atugassaritaasunik eqqumaffiginninnerulersimapput.

Partii Naleraqqap siornali marsip qaammataani – Mikael Petersenimut pasilliutit tusagassiuutitigut saqqummiunneqareersullu – nakkarsaanermut tiinganiarlunilu kannguttaatsuliornermut sulisunut politikkimik suliaqarsimasoq, nunatsinni partiit anginersaasa tulliata, Inuit Ataqatigiit, sulisoqarnerminnut politikkertik maanna nutartileruttorpaat, aviisi AG allappoq.

- Inuit Ataqatigiinni sulisoqarnermut politikkerput akunnitsinnilu imminut qanoq pissusilersorfiginissatsinnut malitassavut maanna nutarteriffigalugit suliaraavut. Folketingimi Inuit Ataqatigiit allattoqarfitta taakku naammassereerpaat, qitiusumillu allaffeqarfitsinni maanna inaarsarneqaleruttorlutik, Inuit Ataqatigiit siulittaasuat Múte Bourup Egede oqarpoq.

Politikkeqanngillat

Atassummili Demokraatinilu allaanerusumik inissisimapput. Partiimmi taakkua marluk nakkarsaanermut tiinganiartarnernullu sulisunut politikkiliorniarnatik aalajangersimapput.

- Tamakkua pissuserissaarnermut akuuginnartussaapput. Soorunami kikkut tamarmik inatsitigut illersugaammata immikkut maleruagassaqartariaqanngikkaluarput. Inuttummi tamatta inatsisitigut illersugaavugut, Atassutip siulittaasua Aqqalu Jerimiassen, Atassutip partiitut malittarisassai najoqqutaralugit ilaasortat partiimut innarliissutaasinnaasumik iliuuseqartut ilaasortaajunnaarsinneqarsinnaanerannut periarfissaqareerneranut, naqissusiisoq taama oqarpoq.

Siumup allatsigisimasaanut suliaq saqqummermat suliffimmi nakkarsaasarnermut tiinganiartarnermullu tunngasut Demokraatit Inatsisartunut ilaasortaasa iluminni oqaluuserisimavaat.

- Nakkarsaanermut tiinganiartarnernullu tunngasunik sulisunut politikkeqanngilagut. Kisianni soorunami eqqumaffigivarput tusagassiuutini sammineqangaatsiarnikuummat. Taamaammat aamma eqqartornikuuarput, aamma Inatsisartuni ilaasortaatitatta nalunngilaat killissaminnik qaangiiffigineqaraluarunik partiip siuttuinut attaveqartussaanertik, Jens-Frederik Nielsen oqarpoq.

Allaaserineqartoq aviisimi AG-mi tamakkiisumik atuaruk. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER