Innersuussut: Coronavirusi nappaatinit inuiaqatigiinnut ulorianartunit allattorsimaffimmit peerneqassaaq
Nalunaarummi nutaami coronavirusi nappaatinut tunillaassortunut allattorsimaffimmut inissinneqarpoq, assersuutigalugu sakialluut tassaniippoq - nappaatinut inuiaqatigiinnut ulorianartunut allattorsimaffimmiikkunnaarluni.
Nappaatit tuniluuttut pillugit inatsisip nutaap akuerineqarneranut atatillugu Naalakkersuisut nalunaarummik nutaamik tusarniaassuteqarput.
Nalunaarummi nappaatit assigiinngitsut allattorneqarput, taakku siornatigut nappaatit tuniluuttut pillugit inatsimmi allassimasut assigaat – ataaseq kisimi pinnani.
Tassani Nunatta Nakorsaaneqarfiata coronavirusip – Covid-19 – nappaatit ajornerit – nappaatit inuaqatigiinnut aarlerinartorsiortitsisut – allattorsimaffiannit peerneqarnissaa innersuussutigaa.
- Maluginiaqquneqassaaq Nunatta Nakorsaaneqarfianit inassuteqartoqareerneratigut coronavirus nappaatit inuiaqatigiinnut aarlerinartorsiortitsunit allattorsimaffimmit peerneqarnikuuvoq, Namminersorlutik Oqartussat nalunaarut nutaaq pillugu taama allapput.
Assinganik piginnaatinneqassanngitsut
Coronavirusi 2. Marts 2020-mi nappaatit inuiaqatigiinnut aarlerinartorsiortitsisut allattorsimaffiannut ilanngunneqarpoq – tamannali maanna atorunnaassaaq, tassa Naalakkersuisut nalunaarutaat tusarniaanerup kingorna piviusunngortinneqassappat.
Nappaat inuiaqatigiinnut aarlerinartorsiortitsisutut nalilerneqaraangat, nappaatit tuniluuttut pillugit inatsit nutaaq naapertorlugu, ilaatigut katersuuttarnernut killilersuinernik atuutilersitsinermut aamma sumiiffinnut tamanit orninneqarsinnaasunik atuinissamut inerteqquteqartarnermik Naalakkersuisunut piginnaatitsisoqartarpoq. Killilersuinerit taakku ukiuni marlunni kingullerni ilisimalluarpavut.
Coronavirusili maanna allatut nalilerneqartalissaaq, taamaalillunilu napparsimasoqalerpat Naalakkersuisut taakkuninnga piginnaatinneqassanngillat.
Uninngatitsinermut imaluunniit mattusimatitsinermut piumasaqarsinnaasut
Innuttaasorli tunillaassortut allattorsimaffianniittumik napparsimalerpat, oqartussat suli arlalinnik piginnaatinneqarput. Nunatta Nakorsaaneqarfia ilaatigut inunnut ataasiakkaanut “misissuinissamut, unitsitsinissamut, mattusimatitsinissamut, katsorsaanissamut il.il.” peqqussuteqarsinaavoq.
Nalunaarut tusarniaassutigineqartoq naapertorlugu nappaatit tunillaassortut ukuupput:
1) Kopper, Variola aamma Smallpox.
2) Plettyfus, Typhus exanthematicus aamma Typhus fever.
3) Tilbagefaldsfeber, Febris recurrens aamma Relapsing fever.
4) Pest, Pestis aamma Plague.
5) Spedalskhed, Lepra aamma Leprosy
Imm. 2. Nappaatit inuiaqatigiinnut aarlerinartorsiortitsisut ulorianartunut qallunaatut, latiinerisut aamma nunat tamalaat akornanni taaguutinut makku ilaapput:
1) Marburg-sygdom aamma Marburg virus disease.
2) Lassa-feber aamma Lassa Fever.
3) Ebola aamma Ebola virus disease.
4) Svær Akut Respiratorisk Syndrom (SARS) aamma Severe Acute Respiratory Syndrome (SARS).
Nappaatit tamanut ulorianartut tassaapput:
1) Kolera, Colera asiatica aamma Cholera.
2) Tyfus, Febris typhoidea aamma Typhoid fever.
3) Paratyfus, Febris typhoidea aamma Typhoid fever.
4) Salmonella infektioner, Salmonellosis aamma Salmonellosis.
5) Bacillær dysenteri, Dysenteria bacterialis aamma Shigellosis.
6) Polio, Poliomyelitis anterior acuta aamma Poliomyelitis.
7) Meningokok-meningitis, Meningitis cerebrospinalis aamma Meningococcal epidemica meningitis.
8) Meningokok-sepsis, Sepsis meningococcica aamma Meningococcal septicemia.
9) Tuberkulose, Tuberculosis aamma Tuberculosis.
10) Epidemisk gulsot, Hepatitis epidemica aamma Hepatitis A.
Imm. 2. Nappaatit makku nappaatinut nalinginnaasumik ulorianartunut qallunaatut, latiinerisut aamma nunat tamalaat akornanni taaguutinut ilaapput:
1) Verotoxin-producerende Escherichia Coli (VTEC) aamma Verotoxin-producing Escherichia Coli (VTEC).
2) Methicillin-resistente Staphylococcus Aureus (MRSA) aamma Methicillin resistant Staphylococcus Aureus.
3) Corona Virus 2019 (COVID-19) aamma Novel Coronavirus 2019 (COVID-19).