Skip to main content

Innersuussut: Appanniartarneq sivitsorneqarli

Piniarneq pillugu Siunnersuisoqatigiit Naalakkersuisunut arlariinnik innersuussuteqarput

Piniarneq pillugu Siunnersuisoqatigiit Naalakkersuisut kajumissarusuppaat Kalaallit Nunaata kujataata kitaani appanniarsinnaaneq 31. december ilanngullugu sivitsorneqassasoq isumaliuutgiissagaat.

Namminersorlutik tusagassiuutinut nalunaarummi allapput. Piniarneq pillugu Siunnersuisoqatigiinni ilaasortaniit taaneqarpoq inuussutissarsiutigalugu piniartut ukiuunerani isertitassaqarnissamut periarfissaqarnerulernissaat tunngaviutinneqartoq.

Piniarneq pillugu Siunnersuisoqatigiit aamma Naalakkersuisut kajumissarusuppaat kalaalimineerniarfinni panertut, tarajortikkat qerisullu tuniniarneqaqqusaannginnerat malunnaatilimmik iliuuseqarfigeqqullugu.

- Piniarneq pillugu Siunnersuisoqatigiit paasivaat kalaalimerngit suliarineqarnikunik tuniniaasinnaanissamut immikkut akuersineq januaarip aallaqqaataani 2015-imili atuukkunnaarsimasoq. Taamaammat Piniarneq pillugu Siunnersuisoqatigiit Naalakkersuisut immikkut akuersissummik tunniussissasut kajumissarusuppaat, aammalu nalunaarut pineqartoq nutarterneqassasoq, tamakkuninnga nioqqutissanik tunisisinnaanissaq tulluartumik periarfissaqaleqqullugu, tusagassiuutinut nalunaarummi erseqqissarneqarpoq.

Kulturimut pingaaruteqartut

Tunngavilersuutigineqarpoq, kalaalimernginik nerineq kalaallit kulturiannut kinaassusaannut neqinillu nammineq pilersornermut pingaaruteqarmata. 

Aammattaaq Piniarneq pillugu Siunnersuisoqatigiit eqqasuutigaat ukiuni kingullerni akuerisaasimanngittuni aammalu Facebook-ikkut kalaalimernginik tuniniaaneq annertusigaluttuinnarnera. Piniarneq pillugu Siunnersuisoqatigiit Namminersorlutik Oqartussani kommuuninilu oqartussaasut kajumissaarusuppaat nakkutilliineq pissusissaatut ingerlanneqassasoq.

Aarrit piniangaanerisa allanngortinnerat

Aammattaaq Piniarneq pillugu Siunnersuisoqatigiit Naalakkersuisut kajumissarusuppaat aarrinik illersuineq piniarnerlu pillugu nalunaarut nutarterneqarnerani piffissaq piniarfiusoq martsip aallaqqaataaniit januaarip aallaqqaataani aallartittassasoq.

- Piniarneq pillugu Siunnersuisoqatigiinni ilaasortat piniartut aarrinik ukioq kaajallallugu nuliusartut takuneqartarsimanerat peqqutigaat, taamaammallu ukiumi piffissami aalajangersimasumi kisimi nuliuneq pisarani, tusagassiuutinut nalunaarummi oqaatigineqarpoq.

Piniarneq pillugu Siunnersuisoqatigiit ataatsimiinnerminni KNAPK sinnerlugu ilaasortaq Qaanaameersoq Jens Danielsen siulittaasutut qinersimavaat. Ilaasortat allat tassaapput KANUKOKA aamma TPAK.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER