Innarluutillit illersuisuat: Naammanngilaq
Innarluutillit illersuisuat Christina Johnsen: Isornarluinnarpoq ilaqutariit innarluutilinnik ilaqartut Danmarkimut nuuttariaqartarnerat kommunerisaminnit naammaginartumikikiorneqannginneq pissutigalugu
Takornartaanngilaq ilaqutariit eqqarsartaatsikkut timikkulluunniit innarluutilinnik ilaqartut Danmarkimut nuuttarnerat ikiorneqarnissamik toqqagassaaleqineq pissutigalugu. Tamanna pissutigalugu FNip innarluutilinnut isumaqatigiissutaanut Kalaallit Nunaat unneqqaserluttuliortoq, innarluutillit oqaaseqartartuat Christina Johnsen oqarpoq, kisitsisitalerluguli oqaatigisinnaannginnerarpaa innarluutilinnik ilaqutallit qassit avalattarnersut.
AG aviisi taama allappoq.
Christina Johnsen innarluutillit oqaaseqartartuattut 2017-mi novemberip aallaqqaataani atorfininnermi kingorna ataatsimeeqateqartarpoq aammalu innarluutillit ilaqutaallu oqaloqatigisarlugit. Taamaattoq suli itisiliilluni paasiniaaqqinniarpoq innarluutillit atugaat iserfigilluarumallugit.
Ilisimasat killeqartorujussuit
- Maannakkulli takusinnaalereerpara ikinngitsut pakatsissutigisaraat innarluutit assigiinngitsut pillugit ilisimasat killeqarnerujussuat. Innarluutit assigiinngitsut suussusiinik kommunet ilisimasaat killeqartorujussuupput taamaattumik ilisimassanagu qanoq ikiuisinnaanerlutik imaluunniit sunik neqerooruteqartussaanerlutik. Ilaqutariit sattattarput nalullugu sumut saaffiginnissanerlutik. Aamma arlalitsigut ilisimaneq ajorpaat qanoq ikiorneqarunik pitsaanerpaajunersoq aammalu ikiorneqarnissamut pisinnaatitaaffitik sutigullu ikiorneqarsinnaanertik ilisimassanagit. Ilaqutariit ikinngitsut ilisimasatik innarluutillit allat qanigisaat aqqutigalugit pissarsiarisarpaat, Christina Johnsen oqarpoq.
Innarluutillit illersuisuata apersorneqarnera pillugu allaaserisaq AG aviisimi atuarsinnaavat. Aviisi uani pisiariuk: