Skip to main content

Innarluutillit illersuisuat: Ikiorneqarnissamik pisariaqartitsisut amerlapput

Nukappiaqqap oqalunniarnermigut ajornartorsiortup ikiorserneqarsimannginneranut tunngasumi, allanik assingusunik ikiorneqarnissamik atorfissaqartitsisoqartoq Innarluutillit Illersuisuata oqaatigaa

Anaanaq ernermi oqalunniarnikkut ajornartorsiutillip siunissaanik pitsaasumik sorsunnera AG-mi allaaserineqarpoq. 

Ilaqutariit ulluinnarni unammillernartunik aqqusaagaqartareeraluartut, qaavatigut ikiorneqarnissamik pisinnaatitaaffeqarnertik sorsuutigaat, Innarluutillit illersuisuat oqarpoq.

- Taassuma anaanap ilungersuuteqarnera tusaqquneralu kisiartaanngilaq. Oqaluttuarineqartut tamakku Tiliomut saaffiginnissutaasartut, Sermersuullu kommuuniata nakkutilliinermi nalunaarusiap saqqummiunneqarnerani isornartorsiorneqartup uppernarsaqqippaa aaqqiivigisassanik peqartoq. Naleqqutinngitsumik sullissineq kommuunimut ataasiinnarmut attuumanngilaq, ajornartorsiut kommuunini tamani atuuppoq.

Ungasinngitsumi aamma saqqummiunneqarpoq, inuit qassit annilaangalluni ersinermik,  isumatsannermillu nalaanneqarsimasut qassiuneri pillugit kisitsisaateqanngitsugut. Kalaallit Nunaanni innuttaasut pillugit ataqatigiissaartumik aaqqissuussilluni nalunaarsuutinik paasiniaanissamut misissueqqissaartoqarnissaanik MIO-p oqariartuutai tunngavilersuutaalu Tiliumit tapersersorneqarput.

- Ajornartorsiut piffinni tamani innarluutillit atugarisaanni takussaavoq.

- Meeqqat innarluutillit naggataarutaasumik soraarummeereerlutik atuarfimmik anisarnerat aamma kisitsisinngorlugu piginngilarput. Meeqqat immikkut atuartinneqartartut akornanni qassit innarluuteqartuunersut aamma kisitsisaatigineqanngilaq. 

- Nuna tamakkerlugu inuit qassit innarluuteqarnersut aamma kisitsisinngorlugu pigineqanngilaq. Naatsumik oqaatigalugu, pissutsit piviusut eqqortullu amigaatigaagut.Tamakku eqqortumik qulaajartinnagit ajornartorsiutit siunnerfilimmik pitsaasumik ikiorsiiffiginissai ajornarput. 

- Inuit innarluutillit inuuniarnermikkut atugaat erseqqissunik piviusorsiortumillu tunngavissaqartinnagit naluarput Kalaallit Nunaanni qanoq annertutigisumik ajornartorsiut annertutiginersoq. Ajornartorsiutip sorlaa ilisimatinnagu inuiaqatigiittut ineriartortitsiniarnitsinni kisitsisinik tunngavissaqartigata suut ilorraap tungaanut allanngortissimanerlugit takussutissaqarnavianngilagut. 

Tamakku pissutaallutik kalaallit ilaatigut Danmarkimut nuuttartut oqaatigaa.

- Qulaani arnat marluk eqqaaneqartut saqqummiutereerpaat ikiortissat pitsaanerusut ujartoramikkit qallunaat nunaannut nuunnissartik eqqarsaatersuutigisimallugu. Taakku taama misilisallit kisimiinngillat.

- Angajoqqaat kikkulluunniit tamarmik meerartatik innarluuteqartuuppata innarluuteqanngippatalu pitsaasumik atugaqarnissaanik kissaassisarput. Ajornartorsiutip taama annertutiginnginneranik pisariaqartitsivinnerlu tunngavigalugu ikiorserneqartussaagaluit nunatsinni ikippallaarnerput tunngavilersuutigissallugu atorsinnaanngilluinnarparput

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER