Skip to main content

Innarluutilinnut sullissivissap atissaanik unammisitsineq

Nuna tamakkerlugu innarluutilinnut sullissivissaq ukiaru Sisisimiuni ammarneqarneqassaaq, sullissivissarli suli atserneqarsimanngilaq. Tamanna pillugu Sara Olsvig innuttaasut sullissivissap atserneqarnissaanut peqatiserinnippoq.

Sisimiuni nuna tamakkerlugu innarluutilinnut sullissivissaq qanoq atserneqassava? Tamanna suli aalajagiiffigineqanngilaq, illillu atseriaannaavat.

Naalakkersuisut Nunatsinni innuttaasut periarfissippai sullissivissamut atsiinissamik unammisitsinikkut.

Tamanut sullissivik

- Inunnut innarluutilinnut sullissivissaq nuna tamakkerlugu sullissiviussaaq, sullissivillu inunnut innarluuteqartunut inuiaqatigiinnullu sullissisussaammat, Naalakkersuisut nunatsinni innuttaasut peqatiseraat sullissivissap nunatsinnut pingaaruteqartup atserneqarnissaanut, Naalakkersuisoq Sara Olsvig, oqarpoq.

Inuunermik naleqarnerulersitsissaaq

Sullissivissap siunertaraa, innuttaasut innarluuteqartut inuunerinnerulernissaat kiisalu inuunerminni atukkatigut nalinginnaanerusumik inuiaqatigiinni akuusinnaanissaat.

Sullissiviup neqeroorutigissavai siunnersuineq, ilitsersuineq aammalu inunnut innarluuteqartunut sungiusaaneq – meeqqanut inersimasunullu – kiisalu qanigisaasunut.

Siunnersuuteqarit

Innarluutilinnut sullissivissap atserneqarnissaanut siunnersuutissaqaruit, mailikkut uunga nassiussinnaavat: ipis@nanoq.gl imaluunniit uunga nassiullugit: Isumaginninnermut, Ilaqutariinnermut, Naligiissitaanermut Inatsisinullu Atuutsitsinermut Naalakkersuisoqarfik, Postboks 260, 3900 Nuuk

Siunnersuutit kingusinnerpaamik 16. maj tigoreersimassuagut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER