Innarliineq: Nunatta Eqqartuussiviata mianersoqqussut katsorsarneqarnissamut pineqaatississutinngortikkaa
Nunatta Eqqartuussiviata 21-nik ukiullip aqqaneq-marlunnik ukiulimmik atornerluisimanera pillugu suliami mianersoqqussut allanngortillugu katsorsarneqarnissamut pineqaatissiissutinngortippaa.
Sermitsiaq.AG-mi ippassaq allaaserineqarpoq, 21-nik ukiulik niviarsiaqqamik aqqaneq-marlunnik ukiulimmik sisamariarluni atoqateqarsimaninini pissutigalugu pineqatissinneqartoq. Atoqateqartarsimanera Sermersuup Eqqartuussiviata atoqateqartarsimanera pineqaatissiissutiginagu mianersoqqussummik tunisimavaa.
Sermitsiaq.AG-mi eqqumaffigineqarsimanngilaq, unnerluussisussaatitaasut eqqartuussummik suliassanngortitseqqissimanerat. Nunatta Eqqartuussiviata eqqartuussut katsorsarneqarnissamut pineqaatissiissutinngortissimavaa.
Nunatta Eqqartuussiviani 2018-imi maajip aappaani eqqartuussinermit imaqarniliami ilaatigut allassimavoq:
"Nunatta Eqqartuussivianit, eqqartuussiviup 22-nik ukiulimmut eqqartuussissutaa, ukiumi ataatsimi Pinerluuteqarsimasunik Isumaginnittoqarfimmit nakkutigisassanngorlugu allanngortinneqarpoq. Nakkutigineqarnermi pineqaatissinneqartoq tarnip pissusaanik ilisimasalimmit katsorsarneqarnissaq pillugu Pinerluuteqarsimasunik Isumaginnittoqarfiup aalajangersagaanik malinnissaaq.
Nunatta Eqqartuussiviata eqqortuusorivaa, unnerluutigineqartup innarlikkami 15-it inorlugit ukioqarnera ilisimasariaqaraluaraa, niviarsiaraq pineqartoq utoqqaanerusutut isikkoqaraluarpalluunniit aamma mianersuaalliorluni iliuuseqarnermigut pinerluttulerinermi inatsimmi § 79-imik unioqqutitsisimagaluarpalluuniit.
Nunatta Eqqartuussiviata pineqaatissiissummik allannguinermi pingaartissimavaa, unnerluutigineqartoq mianersuaalliorsimanerminik pineqaatissinneqarsimasoq, aamma unnerluutigineqartup inuttut misissuiffigineqarsimanerata takutikkaa tarnip pissusaanik ilisimasalimmik katsorsarneqarnissaq pisariaqartikkaa takuneqarsinnaammat."