Innaarsuit: Qimagussortinneqartut ilaat utersinnaapput
Oqartussat piffik navianartorsiorfiusoq annikillisippaat. Pilersuisoq, tunisassiorfik aamma innaallagissiorfik suli matoqqatinneqarput.
Innaarsunni piffiup ulorianartorsiorfiusup annikillisinneqarnissaa upalungaarsimasutoqartussat aalajangeraat, Kalaallit Nunaanni Politiit tusagassiuutinut nalunaarummi ilisimatitsipput.
Piffik navianartorsiorfiusoq maanna sissap killinganit nunami qummut 10 meterisut portussusilimmut killilerneqarpoq – assimut ataaniittumut innersuussisoqarpoq, tassani piffik ulorianartorsiorfiusoq titarnermik qorsummik sinerissamut nalunaarsorneqarsimavoq.
Piffiuip navianartorsiorfiusup annikillisinneqarnissaanut aalajangerneq, iluliaq aseroraluarpat mallit pilersinneqartussat navianartorsiortitsisinnaanerannik naliliineq tunuliaqutigalugu aalajangiunneqarpoq.
Innuttaasut ilaat illuminnut utersinnaasut ilisimatinneqarnerannik tamanna isumaqarpoq. Pilersuisoq, tunisassiorfik aamma innaallagissiorfik suli matoqqassapput, innuttaasullu immamut qanittumi najugaqartut suli qimagussortinneqarallassapput.
Ilitsersuinerit malinneqarnissaat politiit maluginiaqquaat, sumiiffimmilu navianartorsiorfiusumi angallattoqassanani.