Skip to main content

Innaallagissamut aamma kiassaanermut akigitinneqartut appasinnerusut

Nunap ilaani sumiiffinni arlalinni Innaallagissamut aamma kiassarnermut akit annikitsunik apparneqassapput

Nukissiorfiit akinik nutaanik saqqummiussivoq, taakkulu takutippaat illoqarfinni arlalinni akit appartut.

5. januaari 2016 Kalaallit Nunaanni uuliamut akigitinneqartoq appartinneqarpoq. Taamaattumik Nukissiorfiit akigititai nutaat 1. apriili 2016-imit atuutilersut Naalakkersuisut kingumoortumik akuersissutigaat.

Innaallagissamut akit appasinnerpaaffit allanngunngitsoq
Atuisartunut atuisartut immikkoortuani 1-imiittunut (atuisartut aalisakkanik suliffissuit avataaniittut) innaallagissamut akit qaffasinnerpaaffiat 0,06 koruuninik appassaaq kwh-mut 3,21 koruuninngorluni. 

Atuaruk: Nukissiorfiit pisortat sipaarfigaat

Innaallagissamut akit appasinnerpaaffiat kwh-mut 1,61 koruunit allannguuteqassanngilaq.

Kiassaanermut aalajangersimasumut akigitinneqartoq MWh-mut 30 koruuninik appassaaq, MWh-mut 790 koruuneqalerluni. Innaallagissamik qaminneqarsinnaasumik kiassaanermut akigitinneqartoq 40 koruuninik appassaaq, MWh-mut 720 koruuneqalerluni.

Appasinnerusoq
Sumiiffinni 65-ini Nukissiorfiit pisisartui innaallagissap akiata qaffasinnerpaaffianik akiliisarput. Nuummi aamma Sisimiuni akit appasinnerpaaffiannik akiliisoqartarpoq. 

Qaqortumi, Narsami aamma Ilulissani kwh- mut ataatsimut akit imaapput 2,32 koruunit, 2,32 koruunit aamma 2,47 koruunit. Ukiunut arlalinnut isiginnilluni innaallagissamut akigitinneqartut ineriartornerat nalinginnaasumik aningaasat pisissutaasinnaanerisa naleerukkiartornerannit appassinnerusimavoq.

Sumiiffinni 65-ini Nukissiorfiit pisisartui erngup akiata qaffasinnerpaaffianik akiliisarput. Nuummi, Ilulissani aamma Sisimiuni m 3 -mut ataatsimut imatut akiliisoqartarpoq, 25,26 koruunit, 20,83 koruunit aamma 18,91 koruuninik. 

Kiassarneq qaffangaatsiartoq
Kiassaanermut akigitinneqartoq illoqarfinni aqqaneq-marlunni assigiippoq, tassa illoqarfinni Nukissiorfiit kiassaanermik nioqquteqarfigisaani.

Kiassaanermut akigitinneqartoq ukiuni kingullerni qulini akit aamma akissarsiat nalinginnaasumik qaffasissusiannit annertunerusumik qaffakkiartorsimavoq, tamatumunnga patsisaavoq Nukissiorfiit kiassaanerup nioqqutigisaata, inuit namminneq kissarsuummik uuliatortumik kiassaanerisa akiattut akeqartinneqartussaanera, tamatumani apeqqutaavoq Kalaallit Nunaanni uuliamut kiassaanermut atorneqartumut akigitinneqartoq.

Ukioq nutaaq sioqqutilaarlugu Nukissiorfiit sumiiffiit ilaanni assigiinngitsuni innaallagissamut akinik qaffaanernik saqqummiussinikuuvoq.

Atuaruk: Innaallagissap ikumatinnera akisunerulissaaq

Atuaruk: Upernavimmi kallerup innerata akia marloriaatinngorpoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER