Skip to main content

Inissiisarfittaassami inissaaleqisoqarnissaanut pisortaq aarlerivoq

Ukiut qulingiluat matumat siorna Nuummi pineqaatissinneqartunut inissiisarfimmik matoqqasumik sanasoqarnissaanik aalajangertoqarmalli, piffissamik killiligaangitsumik parnaarussat amerleriangaatsiarnikuupput

Nunatsinni inissiisarfiit matoqqasut siullersaasa naammassineqarnissaanut ukiut marluk sioqqullugit, Kalaallit Nunaanni Pinerluttunik Isumaginnittut pisortaata inissaaleqisoqarnissaanut aarleqquteqarpoq.

Politiken marlunngornermi taama allappoq.

1950-ikkunnili
Kalaallit Nunaanni ulloq manna tikillugu matoqqasunik pineqaatissinneqartunut inissiisarfeqanngilaq imaluunniit parnaarussiveqanngilaq, taamaattumillu killiligaanngitsumik inissinneqartussatut pineqaatissinneqartut, Nunatsinni inissiisarfinnut tulluutinngitsut 1950-ikkunili kilometerinik tuusintilikkaanik ungasitsigisumut Herstedvesterimut aalartinneqartarput. 

Inissiisarfissap matoqqasup nutaap tamanna allanngortissavaa.

Naammannavianngitsut
Kalaallit pineqaatissinneqarsimasut 36-t Herstedvesterimi parnaarussivimmi maanna inissinneqarnikuupput. Herstedvesterimi inissiisarneq 2018-imi atorunnaarpat, pineqaatissinneqarsimasunullu Nuummi inissiisarfittaaq atulerpat, sakkortuumik pinerluuteqarsimasutut pineqaatissinneqarsimasut Nuummi siunissami inissinneqartalissapput. Inissallu katillugit 20-usussat naammannavianngillat, pineqaatissinneqarsimasut ikileriarujussuarpata aatsaat inissaqalissaaq, Pinerluuteqarsimasunut Isumaginnittoqarfimmi 2013-imili pisortaasimasoq Hans Jørgen Engbo oqarpoq.

PIsortaq naapertorlugu, Nuummi inissiisarfiliortoqarnissaanik ukiut qulingiluat matuma siorna aalajangertoqarneranit sakkortuumik pinerluuteqarsimasut amerleriangaatsiarsimanerat ajornartorsiutaavoq.

Atuaruk: Parnaarussivik matoqqasoq uaniissaaq

Oqaaseqarusunngitsoq
Inatsisinut atuutsitsinermut Danmarkimi ministeri Søren Pind (V) imaluunniit pinerluttunut isumaginnittut ataatsimut pisortaat, Johan Reimann, Engbop oqaaseqaataanut tunngatillugu oqaaseqarumanngillat, kisianni Nuummi matoqqassumik inissiisarfiliornissamut tunngatillugu aatsaat ajornartorsiortoqalinngilaq.

Nuummi inissiisarfissaq 76-inik inissaqassaaq, taakunannga 40-t matoqqasutaani. Taakkunannga 40-nit Hans Jørgen Engbo naapertorlugu 20-t sakkortuumik pinerluuteqarsimasunut inissaapput, qulit tigummigallakkanut kiisalu qulit pineqaatissinneqarsimasunut ammasumut tulluutinngitsunut.

Atuaruk: Matoqqasumik parnaarussiviup sananeqarnera aallartippoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER