Skip to main content

Inissiisarfimmi pisortaasimasoq: Hashimik eqqussisitsaaliuineq ajornakusoorpoq

Nunatsinni Herstedvesterimilu parnaarussanut hashimik eqqussisitsaaliuineq ajornakusoorpoq. Nakkutilliisulli pitsaaliuinissamut assigiissunik periarfissaqanngillat

Nuummi pinerluuteqarsimasunik inissiisarfik sammineqaqqilerpoq, aviisimi ullormut saqqummersartumi Politikenimi oqaluttuarineqarmat Herstedvesterimi parnaarussanit Nuummut nuunneqarsimasunit qulingiluanit marluk Danmarkimut uteqqikkusuttut eqqartuussaanertik tappavani nangikkusullugu.

Politikenip paasisaqarfii malillugit tamatumunnga pissutaavoq pissutsit »ajorluinnartuummata«, »hashitortarnerujussuaqarmat« aammalu »nakuuserneq naalagaammat«.

Ilumoorpoq inissiisarfimmut hashimik eqqussisoqartarsinnaasoq, Torsten Kjær Jespersen ilaliivoq, taannalu Nuummi inissiisarfimmi pisortaasimavoq siorna novembarimiit ukioq manna juunip tungaanut.

AG allappoq.

Ikiaroornartumilli nassaartarnernik nalunaaruteqartarnerit annilaarnanngillat, taanna oqarpoq:

- Isumaqanngilanga oqartoqarsinnaasoq hashitortarnerujussuaqartoq, taanna Herstedvesterimi Parnaarussivimmit, kalaallit parnaarussat immikkoortoqarfianni pisortatut atorfimminut utersimasoq, telefonikkut AG-mut oqarpoq.

Qimmit atorneqanngitsut

Torsten Kjær Jespersen nassuiaavoq hashi Kalaallit Nunaanni Danmarkiminngarmit akisunerujussuummat inissiisarfimmiittut Danmarkimi pernaarussivimmiittunit hashitornikinnerusartut, hashi eqqunneqartup annertussusia eqqarsaatigalugu. Taamaasilluni hashi grammi ataaseq Nuummi sivisunerusumik atasinnaavoq Herstedversteriminngarnit.

Ikiaroortartumillu inerteqqutaasumik isertitsivimmut eqqussisoqarsinnaammat ilaatigut tamatumunnga pissutaavoq pinerluuteqarsimasunik isumaginniffik pulaartunik qimmit atorlugit misissuisinnaanngimmat, assersuutigalugu politiit ilanngaaserisullu mittarfeqarfinni taamaasiortarnerattut.

Allaaserineqartoq aviisimi AG tamakkiisumik atuaruk. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER