Skip to main content

Inissiat: Kinguaattoorutit annertusigaluttuartut

Pisortat inissiaataanni attartortittakkani iluarsartuussinermut kinguaattoorutit ukiuni tullerni 7,5 milliaardit koruuninut killissinnaasut, Naalakkersuisut naliliipput. Angummannissamut pilersaarut ukiuni qulinit 15-it tungaanut sivisussuseqartumi ingerlanneqarsinnaavoq.

Pisortat inissiaataanni iluarsartuussinissat aserfallatsaaliinissallu kinguaattoorfiungaatsiarput. Aaqqiigasuarnissamullu periarfissaqanngilaq.

Nunatta aningaasaqarnera pillugu nassuiaat ukiumoortoq naapertorlugu, kinguaattoorutit ullut tamarluinnaasa 0,5 milliuunit 1 milliuunit koruunillu akornanni annertuseriartarput.

- Unikaallatsitsisunik siunnerfilimmik iliuuseqartoqanngippata ukiut ikittuinnaat ingerlaneranni kinguaattoorutit 5-7,5 mia. koruunit tikillugit annertussuseqalissapput, nassuiaammi aningaasaqarnermut naalakkersuisup Vittus Qujaukitsup Inatsisartunut tallimanngornermi saqqummiussaani allassimavoq.

Kinguaattoorutit ikinnerpaamik 2,6 milliaardit

Nassuiaammi allassimavoq Namminersorlutik Oqartussat 2019-ip ingerlanerani inissiat attartortittakkat pillugit misissueqqissaarnerit arlallit suliarisimagai.

Misissueqqissaarup takutippaa pisortat inissiaataanni attartortakkani kinguaattooqqanerit nuna tamakkerlugu ikinnerpaamik 2,6 milliaardit koruuniusut. Taamaattoqarneranik kingaallatsitsiniarluni iliuuseqartoqannginnera pissutiglaugu kinguaattoorutit ullut tamaasa annertusiartorput.

- Kinguaattoornerup angummaffiginissaanik ingerlatsineq ukiunit qulinit 15 angullugit ingerlassaaq, tassanimi annertuumik aningasaliinissaq taamaallaat pissanngimmat, aammali immikkoortumi piginnaasanik naammassisinnaasanillu sanarfinissamik aamma pisariaqartitsissammat, nassuiaammi allassimavoq.

Nassuiaat atuaqqikkaani atuarneqarsinnaavoq, aaqqiisoqarnissaa anguniarlugu inissiat akiinik qaffaasoqaratarsinnaasoq.

Inissiap akia aningaasartuutinut naapertuutissaaq

Aningaasanut inatsimmi tunngaviit allassimasut, misissueqqissaarnernik sulianik makkuninnga aallaaveqartut, allassimavoq:

  • Ineqarnermut akiliutit annertussusaat inissianut ingerlatsinermut iluarsartuussinernullu akiviusunut naapertuunnissaat
  • Inissiaatinik attartortitsinermi isertitat inissiaatinik ingerlatsinermi iluarsaassinermilu aningaasartuutinut oqimaaqatigiinnissaat
  • Iluarsaassinernut iluarsartuussinernullu kinguussaanermut attanneqarsinnaasumik aaqqiisoqarnissaa

Ilanngullugu allassimavoq, iluarsartuussinermut kinguussaaqqaneq aaqqiiviginiarlugu attanneqarsinnaasumik aaqqiinissaq pisariaqartoq. Allaffissorneq annikillisarneqassaaq aningaasaqarnikkullu naleqquttumik tapiissuteqarnissaq anguniarneqassasoq, appasissumik akunnattumillu isertitallit naapertuuttunik ineqarnissaat qulakkeerneqarsinnaaqqullugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER