aserfallanneq
Inissiat aningaasaqarnerput aarlerinartorsiortikkaat
Pisortat inissiaataat aserfallalluinnarsimaapput. Aserfallatsaaliuinnginnerlu kingunipiloqarsinnaavoq
Inissat aqqusersuutillu Danmarkimi naalagaaffimmit tigugatsigilli aserfallakkiartuinnarsimanerat Kalaallit Nunaata aningaasaqarneranut aarlerinartorsiortitsivoq.
Aningaasaqarnermut Siunnersuisoqatigiit kinguaattoorutit annertoorujussuunerat tikkuarpaat. Sulisitsisullu GE-p pisortaata Brian Buus Pedersernip tamanna KNR naapertorlugu ajornartorsiutitut ilungersunarluinnartutut isumaqarfigaa.
Akiligassarujussuaq
- Ineqarnermut tunngasut Danmarkip naalagaaffianit tigugatsigilli aserfallatsaaliuinermik paamaarussisimanerput, aserfallatsaaliuisoqarsinnaaqqullugulu aningaasanik immikkoortitsisarnissatta eqqaamanissaanik ukiut 30-t matuma siorna siunnersuutitsialaasunut tusarnaarsimannginnerput pissutaalluni ullumikkut akiligassarpassuaqalersimavugut. Inissiaannaanngitsulli pineqarput, aamma mittarfeqarfiit allallu sumiginnarsimavavut, GE-p pisortaa, Brian Buus Pedersen, Radioaviisimut oqarpoq.
Aamma atuaruk: Økonomisk Råd: Vi udskyder de ubehagelige beslutninger
Aningaasaqarnermut Siunnersuisoqatigiit nalunaarusiaat kingulleq Sermitsiami normu 39-mi aamma sukumiisumik allaaserineqarpoq. Aviisi najukkanni pisiniarfimmi imaluunniit ingerlariaqqiffissami allaaserisap matuma ataaniittumi pisiarisinnaavat