Skip to main content

Inissianik tunisineq sukkasoorsuarmik pisoq

Inissianut aningaasaliisartoq Martik Gjødvad, Kissarneqqortuunnguami Inussiviup eqqaani

Inissiarsuit marluk tamarmik immikkut 58-inik inissiartaqartut aggustip aallaqqaataani piariissapput. Inissiarsuup aappaa 58-nik inissiartaqartoq kommunip isumaqatigiissummik 2029-ip tungaanut taamaatinneqarsinnaanngitsoq aqqutigalugu isumaqatigiissusiorfigai.

Sukkasoorsuarmik tunineqartut

- Ukiup aallartinnerani dronemik assiliinissara aamma inissiat 3D-itut takusassiarinissaat pilersaarutigigaluarpara. Kisianni tuniniaanissamut paasissutissat suliaralugit aallartilluarnagilluunniit inissiat amerlanersaat tunineqareerput, Martin Gjødvad, Inu:itimi piginneqataallunilu pisortaq taama oqarpoq.

Ingerlatseqatigiiffik Inu:it Bolig A/S, Martin Gjødvadimit kisermaassilluni pigineqartoq, inissianik suliniuteqartuuvoq, taakku portuusuumiikkamik Nuuk tamakkingajallugu takuneqarsinnaapput.

Angissutsit pilerigineqartut

Inissiat 40 aamma 70 kvadratmeterit akornanni angissuseqarput, taakkulu assersuutigalugu Qinngorpumi inissianut anginerujussuarnut sanilliukkaanni nalinginnaanngillat.

- Tunisinerup ingerlalluarneranut inissiat angissussaat pissutaaqataagunarpoq, Martin Gjødvad nassuiaavoq. Minnerpaaq 1,16 millionit koruuninik akeqarpoq, anginerpaaq akisunerpaarlu 2,17 millionit koruunit tikillugit akeqarpoq.

Aningaasaliisartuunerusut inissianik attartortitsinissaq siunertaralugu pisisimasut, Martin Gjødvad ilisimatitsivoq. Ullumikkut inissiat sisamaannaat tuninissai amigaatigiinnarpaa.

Kingulliunngitsoq

Inissianik nutaanik sanaartornissamut tunngatillugu pilerisunnerulerpit?

- Ilaana, pisortaq inissianillu aningaasaliisartoq neriorsuivoq, taanna ingerlatseqatigiiffimmi Inu:it Bolig A/S-imi inissianik attartortitsinermi 2018-imi akileraareernerup kingorna ukiumut 1,7 millionit koruunit sinnilaarlugit angusaqarpoq.

Sermiligaami meeqqat pisinnaatitaaffii pillugit malunnartitsinermi atuarfik nunaqarfimmiunit ornigarneqarluarpoq
Sermiligaami atuarfik novembarip ulluisa 19-ianni 20-annilu ornigarneqarluarpoq, meeqqat pisinnaatitaaffii pillugit malunnartitsinermut nunaqarfimmiut tamakkerlugit qaaqquneqarmata
Nunaqarfimmi arsaattarfik pitsaanerusoq
Ukiuni kingullerni Nuna tamakkerlugu arsaattarfiit ivigaaraasallit amerliartupiloorput, mannakkullu Kuummiini innuttaasut arsaattarfittaarnissaannut aningaasanik immikkoortitsisoqarpoq.
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER