Inissianik nutarterineq: Betonngi atatiinnarneqarli
Namminersorlutik Oqartussat suliassaqarfimmut pilersaarutaa naapertorlugu inissiat quleriinnik initallit isaterneqartussat, nutarterneqarnissaminnut periarfissalerujussuusut ilisimatusarnerup takutippaa. Ingeniørit akornanni aperisoqarpoq: Betonngimik sanaartukkat tamakkiisut atatiin-narsinnaagaanni sooq isaterneqassappat?
Namminersorlutik Oqartussat oqartussat suliassaqarfimmut pilersaarutaa 2016-imeersoq naapertorlugu, inissiat quleriinnik initallit 1960-ikkunni 1970-ikkunnilu sanaartukkat arlallit isaterneqassapput.
Nunatsinni inissiarpassuit nutarterneqarnissamik pisariaqartitsisorujussuit nutaarsiassaajunnaarnikuuvoq. Kisianni betonngitaat inisiat quleriinnik initallit sananeqaataasa pingaaruteqarnertai silatimikkut aserfallassimagaluartut ajoquteqannginnerat nutaarsiassaavoq. Aviisi AG taama allappoq.
Betonngitaat atoqqinneqaraluarpata, piffissamik, aningaasanik nukinnillu sipaaruteqartoqassaaq, ingeniørit marluk, illussanillu titartaasartoq ukiorpassuarni issittumi sanaartornermi immikkut sulialik isumaqarput.
Silataa allatut isumaqartitsisoq
Inissiat saavi majuartarfeqarfiillu aserfallassimasut qiviaannarlugit isaterinissamut akerliussutissaqartoqanngilaq.
Kisianni ilisimasalittut saqqaasa tunuinut qiviaraanni, akerliliinissamut immaqa tunngavissaqartoqartoq paasinarsivoq. Sisimiunimi inissianik quleriinnik initalinnik misissuinerup takutippaa, inissiani aserfallassimagaluartuni betonngit sananeqarneri suli pitsaasuusut, taamaammallu isaterneqartussatut nalilerneqartariaqanngilluinnartut.
- Illut ajoquteqanngitsut isaterneqarnerat tupannartoq isumaqarpunga – betonngitaat ajoquteqanngitsut. Uanga isinnit atortussianik maangaannartitsineruvoq, Emilie Bjørneboe taama oqarpoq, taanna Rambøll GL-imi civilingeniøriuvoq, nunatsinnilu inissiani quleriinnik initalinni pisoqaanerusuni betonngit sananeqaataannik specialemik allaaserisaqarsimavoq. Sisimiuni aserfallatsaaliinissamik siunertalimmik misissuisuuvoq.
Aviisimi AG-mi atuarnerusinnaavutit. Aviisi uani pissarsiariuk: