Skip to main content

Inissialiani nutaani kinguaariit eqitertinneqassasut

Nuussuarmi suliniut inuusuttunut inissianik 120-nik utoqqarnullu inissianik 65-inik inissiartalik tusarniaassutigineqarpoq

Nuup illoqarfittut immikkoortortaani marlunni Nuussuarmi Qinngutsinnilu inissiarpassuit angisuut 105-115 kvadratmeterinik angissusillit ukiuni qulikkuutaani kingullerni sanaartorneqarsimapput. Inuiaqatigiinnili aamma innuttaaqatigiiaaqarpoq inissianik allaanerusunik ujartuisunik, assersuutigalugu Nuummi ilinniartoqarfiusumi inuusuttorpassuit utoqqaallu amerliartupiloortut akornanni utoqqalinersiallit.

Kommuneqarfik Sermersooq ingerlatseqatigiiffiup inibyg A/S-ip sanaartornissamik siunnersuutaa tusarniaassutigineqartussatut tamanut saqqummiuteqqammerpaa.

– Nuummi sanaartugarpassuarnut allanut sanilliullugu suliniutissatut siunnersuuterput inuusuttunut utoqqarnullu sammitinneqarpoq, Inibygip siulersuisuini siulittaasoq Brian Torp Sermitsiamut oqarpoq.

Suliniutissatut siunnersuummi pineqartut tassaapput Nuussuarmi Peter Thaarup Høeghip Aqqutaani akileriillutik inissisimasussat inuusuttunut inissiat 120-t utoqqarnullu inissiat 65-it kiisalu illu ataatsimoortarfik.

Nammineq angerlarsimaffigisami sapinngisamik sivisunerpaamik

Nuup inuusuttortai kollegiani inissanut utaqqisuni tunorlerpaami inissisimapput, taakku ilinniarnermi iluatsilluartumi akimmisaarutit annertuut ilagisarpaat.

Pilersaarummi Peter Thaarup Høeghip Aqqutaata Nuussuullu aqquserngata teqeqquaniittumi inuusuttunut inissianik 120-nik immikkoortortaq aamma inissianik ataatsimik initalinnik inissiartaqarnerpaavoq, aammali ilinniartunut piukkunnartunik marlunnik pingasunillu initalinnik inissiartaqarluni. Inissiat Ilimmarfimmut pisuinnarmik sikkilinilluunniit ornigassaqqissumi inissisimaffeqarput, aammali Nuummi illoqarfiup qeqqani ilinniarfiit tungaannut bussit unittarfiannut ungasinngitsumiillutik.

Nuuk utoqqarnut inissiat inissiallu illersugaasut, utoqqaat nammineq angerlarsimaffigisaminni sapinngisamik sivisunerpaamik najugaqarnissaannik qulakkeerinnittut, pisariaqartinneqarnerisa annertusiartornerannik misigisaqarfiuvoq.

Pilersaarummi utoqqarnut inissiat 65-it Peter Thaarup Høeghip Aqqutaata mittarfimmullu aqquserngup Siaqqinnerup teqeqquaniittut pineqarput. Inissiat affaat ataatsimik initaqarput affaallu marlunnik initaqarlutik. 

Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq:

Skemami kinguaassiutitigut peqqinneq aamma imminut toqunnissamut pinaveersaartitsineq
Kommuneqarfik Sermersuumi pitsaaliuinermi siunnersortit Tasiilami septembarip oktobarillu ingerlanerani assigiinngitsunik pinaveersaartitsinermut suliniutinik suliaqarput. Ilaatigut...
Partiit isumaqatigiissuteqartut isumaqatigiipput: 2021-mut missingersuutit imatut isikkoqassaaq
Partiit missingersuutinik isumaqatigiissuteqartut Inuit Ataqatigiit, Demokraatit aamma Suleqatigiissitsisut partiiat Kommuneqarfik Sermersuumi 2021-mut missingersuutit qanoq isikkoqarnissaat...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER