INI: Inissiarpassuit aserfallakkaluttuinnarnerat iliuuseqartoqarnissaanut ullormut en million koruuninik naleqartassapput
Aalajangiisoqapallattoqarnissaa pingaaruteqarpoq, siulersuisut siulittaasuat INI-p ileqquusumik ataatsimeersuarnerani oqarpoq.
Naminnersorlutik Oqartussat inissiaatileqatigiiffiutaat INI sisamanngornermi ileqquusumik ataatsimeersuarpoq. Ingerlatseqatigiiffik inissianik 8.600-iusunik aqutsisuullunilu isumaginnittuuvoq, inissiat 5.700-t missaanniittut Namminersorlutik Oqartussanit pigineqarput.
Pisortat inissiaataat aserfallassimaqisut ukiorpassuarni politikkikkut oqallisaasarsimapput, iluarsartuussinerit iluarsartuussinissamillu kinguaattooqqanerit qaangerniarneqarnissaat qanoq akilerneqassanersut isumaqatigiissutigineqarsinnaasimanngillat.
Akiligassallu annertoorujussuupput, Namminersorlutimmi Oqartusast inissiaataannik iluarsartuussinissamik kinguaattooqqaneq to milliarder koruunit missaannik akeqartussatut nalilerneqarsimavoq. Taamaammat INI-p siulersuisuini siulittaasoq sisamanngornermi ileqquusumik ataatsimeersuartoqarmat Namminersorlutik Oqartussani piginnittunut qinnuteqarpoq:
Paasissutissarpassuit tunniunneqarsimasut
- Ilaatigut kinguaattooqqanerup qaangerniarneqarnissaanut periusissatut suliarisimasarput (...) Naalakkersut aalajangiiffigisassaattut siunnersuutitsinnut maanna ilanngunneqarpoq.
- Ilisimaneqartutut inissiarpassuit aserfallakkaluttuinnartut iliuuseqartoqarnissaanut ullormut miliuunit affaasa en million koruunillu akornanni naleqartussaapput. Taamaammat pingaaruteqarpoq aalajangiipallattoqarnissaa, Mads Barlach Christensen oqarpoq.
Nalunaarutigineqartoq ingerlatseqatigiiffiup ukiumoortumik nalunaarusiaaniittumi siulersuisut nassuiaataanni aamma takuneqarsinnaavoq.
INI 2021-mi ataatsimiinnernut arlalinnut peqataasarsimavoq, Namminersorlutillu Oqartussani aqutsisoqatigiinnut kinguaattoortoqarsimaneranik suliaqartunut paasissutissarpassuit tunniussimallugit.
Angusat naammagisimaarneqartut
INI-mi siulersuisut naatsorsuutigaat, 2022-p ukiuata affaani siullermi "aalajangiiffigisassat pisariqartinneqartut" aalajangiiffigineqarumaartut.
INI naatsorsuutitigut 2021-mi 2,6 millioner koruuninik sinneqartooruteqarsimavoq, 2020-mi 2,0 millioner koruunik sinneqartooruteqarsimallunni.
Kaaviiaartitat 100 millioner koruuniusimapput. Angusarineqarsimasut siulersuisunit naammagisimaarneqarput Namminersorlutillu Oqartussanit akuerineqarlutik.
Siulersuisuni ilaasortat tamarmiut ingerlaqqipput aamma Mads Barlach Christensen siulittaasutut ingerlaqqilluni. Ilaasortat tassaapput Aviaja Karlshøj Knudsen, Kristian May aamma Johanne L. Knudsen.