Skip to main content

Ini nittartakkamik atoruminarnerusumik saqqummersitsivoq

Inissiaatileqatigiiffimmit inissamik nassaarnissaq ajornannginnerulissaaq, taanna nutaamik nittartakkamik pilersitsivoq

Inissiaatileqatigiiffik Ini A/S ullumi ataasinngornermi nutaamik nittartagartaarpoq.

Inip inissiani allaffissuussaani inissanik attartorneqanngitsunik nassaarnissaq ajornannginnerulissaaq, Inimi pisortaaneq, Henrik Rafn ilisimatitsivoq.

- Nuannaarutigeqaara nittartagaq atoruminarneroqisoq saqqummersikkatsigu, nittartagaq qaamanerullunilu nutaaliarpasinneroqaaq ujartuiffigiuminarneroqalunilu, taanna tusagassiuutinut nalunaarummi oqarpoq.

Ujaarleruminartoq
Inissiap akia, angissusaa qassinillu ineqarnersoq sukkasuumik paasineqarsinnaasoq, taassuma erseqqissarpaa.

- Inimiit eqqumaaffigaarput atuisut amerligaluttuinnartut smartphones tabletsillu aqqutigalugit nittartakkanut alakkaasarnerat. Taamaattumik Inip nittartagartaava soorunalimi mobilinut tulluarsagaavoq, Henrik Rafn oqaluttuarpoq.

Periarfissat amerlanerusut
Ini aammalu najugaqarfiit pillugit paasissutissat tusagassiuutitigut nalunaarutit, paasissutissat nalinginnaasut aammalu nammineerluni imminut sullissinnaanerit, soorlu inissianik inoqanngitsunik ujaarliutit nassaassaapput.

- Tamaanga killiinnarnianngilagut. Nittartagarmi aqqutigalugu attartortut imminnut sullissinnaanissaat anguniarlugu nittartagarput suli ataavartumik ineriartortittussaagatsigu, pisortaaneq oqarpoq.

Inip nittartagartaava uani takuuk

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER