INI misilittagartuumik aningaasaqarnermut pisortartaarpoq

Peter Fich, piffissami 1997-mit ukiuni pingasuni Grønlandsflymi pisortaasimasoq, INI-mi aningaasaqarnermut pisortanngussaaq.

INI-p ukiup nutaap aallartinneranit Peter Fich aningaasaqarnermut pisortatut atorfinitsippaa, taannalu ingerlatseqatigiiffiup qullersaqarfianut ilanngulluni Brian Pedersen Danmarkimut utertoq paarlassavaa.

Peter Fichip nunarput ilisimaarisorujussuuaa, minnerunngitsumik Grønlandsfly-mi 1997-miik 2000 tikillugu pisortaanikuusutut. Tamatumalu kingorna Post Danmarkimi SAS-imilu aningaasaqarnermut pisortaanikuuvoq. Ukiut kingulliit 17-it Peter Fich Transmedicami pisortaasimavoq.

Peter Fich, nunatsinnut uternissaminut qilanaartorujussuusoq, ima oqarpoq:

Immikkut piginnaasaqarfia

- Aningaasaqarneq immikkut piginnaasaqarfigaara, Kalaallillu Nunaat uummateqarfigisorujussuullugu, taamaammat taakku marluk imminnut katiguteqqinnissaat qilanaarisorujussuuara.

- Peter Fichip aningaasaqarnikkut inatsisilerinermilu kandidatgradeqarnerata suliaminut pikkorissuseqarnera qulakkeeqqagaa qularinngilara. Kisianni uannut pingaarnerpaasoq tassaavoq Peter Fichip allanngortiterinernut unammilligassanullu isummertariaaseq eqqortoq pigimmagu inuttullu eqqissisimasuummat. Taamaammat ilisimavara, Peter INI-mi aningaasaqarnermut pisortassaqqissuusoq, pisortaaneq Henrik Rafn oqarpoq.

Peter Fich nuliani Inge-Lise Sisimiunut nooqatigissavaa. Taamaalilluni INI-p aqutsisui tassaalissapput allaffissornikkut pisortaaneq Henrik Rafn, aningaasaqarnermut pisortaq Peter Fich, sullissinermut pisortaq Minannguaq Zeeb kiisalu atorfilinnut pisortaq Anita Hoffer.

Powered by Labrador CMS