Skip to main content

Ini-mi najugaqarnermut akiliut kommunip qaffappai

Maniitsumi Sisimiunilu Ini A/S aqqutigalugu najugaqartut inimut akiliutaat marsip aallaqqaataanit akiliinerusalissapput

Qeqqata Kommuniani Ini A/S aqqutigalugu ineqartut 2 procentimik ineqarnermut akiliinerusalissapput.

Tamanna marsip aallaqqaataanit 2020-mit atuutilissaaq, kommunalbestyrelsip ataatsimiinneranut imaqarniliami atuarneqarsinnaavoq. 2017 aallarnerfigalugu ukiut tamaasa ineqarnermut akiliutigineqartartoq ukiut tamaasa 2 procentimik qaffattarpoq.

- Attartornermi akigititat qaffanneqarnerisigut ingerlatsinermi ataavartumik aningaasartuutit saniatigut, siunissami aserfallatsaaliinissanut aningaasat immikkoortinneqassapput, soorlu ilaatigut pilersaarutaasunik kiisalu piffissat ingerlanerini aserfallatsaaliinermut, nuuttoqartillugu inissiallu attartorneqannginnerini iluarsartuussinernut, nuuttoqartillugulu annaasanut matussutigineqartassallutik.

Qaffaanissaq pisariaqartoq

Allaffeqarfimmit pingaarnertut nalilerneqarpoq, ukiuni siuliitulli annikitsumik attartornermut akigititanik qaffaanissaq pisariaqartoq.

- Allaffeqarfiup nalilerpaa, ilaqutariinnut arlalinnut inissiaqarfinnut kiisalu ilaqutariinnut ataatsinut affarleriinnullu inissiaqarfinnut qaffaatissatut siunnersuutigineqartoq naammagisimaarnartoq. Attartornermi akigitinneqartut qaffanneqarnissaannik siunnersuutigineqartoq aallaavigalugu aningaasaqarnikkut atuilluartuunerussaaq. Allaffeqarfiup nalilerpaa, ilaqutariinnut ataatsinut affarleriinnullu immikkoortortaqarfiit ukiuni tulliuttuni annertuumik aserfallatsaalineqarnissaminnik pisariaqartitsilissasut. Inissiaqarfinnut ukiunut tulliuttunut aserfallatsaaliinissanut aningaasat immikkoortinneqartut annikilliliivigineqarnissaannut qulakkeerumallugu, allaffeqarfik naliliivoq, aningaasaqarnermut ataatsimiititaliap aalajangiinera naapertorlugu inissianik attartornermi akigitinneqartut ukiuni tulliuttuni marlussunni naammaginartumik qaffaavigineqarnissaat pisariaqartinneqassasoq. Illuatungaani ilaatigut inissiat/illut taakku ilaat nunaqarfinni sulisunut inigitinneqartut, taamaattumillu nunap sinnera eqqarsaatigalugu attartornermi akigitinneqartut taamarsuaq qaffanneqartariaqaratik.

Attartornermut akit allanngortinneqannginnerini, qammatit pingasut sioqqutsilluni nalunaarutigineqartussaapput, taamaattumillu 2020-mi marsip aallaqqaataani aatsaat atuutilersinnaallutik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER