Skip to main content

Ini: Inimut akiliut kommunep namminersorlutillu oqartussat pisarpaat

Inigisamut akiliutip apparnissaannik Jess Svanep siunnersuutaa naammassiuminaattoq A/S Inissiaatileqatigiiffik Ini nassuiaavoq

Inigisamut akiliutit ilarparujussuit kommunenut landskarsimullu tuttarput. Taamaattumik inigisamut akiliutit aserfallatsaaliinermut iluarsartuussinermullu toqqaannartumik atorneqarneq ajorput. A/S Inissiaatileqatigiiffik Inimi pisortaq Jukku Mølgaard taama nassuiaavoq Siumumeersup Jess Svane inigisamut akiliutip apparterujussuarnissaanik siunnersuutaanut akissuteqarluni.

Atuaruk: Jess Svane: Inigisamut akiliut apparujussuarli

Qaasuitsup Kommuniani Siumut sinnerlugu kommunalbestyrelsemi ilaasortaq Jess Svane isumaqarpoq inigisamut akiliut ima qaffasitsigilersimasoq amerlasuunit akilersoruminaatsinneqalersimalluni. Taamaammat siunnersuutigaa inigisamut akiliutip apparterujussuarnissaa. Taanna isumaqarpoq aserfallatsaaliineq iluarsartuussinissarlu sukkanerusumik pisalissasut siunnersuunni malinneqartuuppat.

Kisianni inigisamut akiliutinit isertitat toqqaannartumik aserfallatsaaliinermut iluarsartuussinermullu atorneqarneq ajortut, Ini nassuiaavoq.

- Aaqqissuussineq ullumikkut atorneqartoq atortillugu aningaasat inissianut illunullu aserfallagassaaqisunut atorneqarneq ajorput, aningaasalli piginnittunit allarpassuarnut atorneqartarput. Ineqarnermut akiliutit sumut atorneqartarnerat katitigaanerallu eqqartussallugu piffissanngorsimarpasippoq, Inimi pisortaq Jukku Mølgaard Jess Svanep siunnersuutaanut akissuteqarluni nalunaarpoq.

Inigisamut akiliutinit 93,2 millioner koruunit ukiumut Inip isertittarpai. Namminersorlutik Oqartussat 56,3 millioner koruuninik pissarsisarput. Qaatsuitsup Kommunia 14,2 millioner koruuninik pissarssarpoq, Qeqqata Kommunia 11,2 millioner koruunit kiisalu Kommune Kujalleq 11,4 millioner koruuninik ineqarnermut akiliutitigut pissarsisartoq. Kommuneqarfik Sermersuup inissiaateqarfik Iserit A/S atorpaa 100 procentimik kommuunimit pigineqartoq.

- Allatulli aaqqiisoqarsinnaavoq aningaasat taakkua aningaasaateqarfimmut isertittartunngorlugit – illuutinik piginnittunut tuttarunnaarsillugit – taamaalilluni aningaasat inissianut illunullu attartukkanut iluarsartuussinernut aserfallatsaaliinermulluunniit atorneqartalersinnaassagaluaramik, Jukku Mølgaard oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER