Ini A/S 2022-mi akileraareernermi 397 t. kr.-nik angusaqarpoq. Tamanna 1.983 t. kr.-nik 2021-mut sanilliullugu appariarneruvoq, tassani ukiumut angusaq 2.380 t. kr.-uvoq.

Ingerlatseqatigiiffiup kaaviiaartitai millionit affaasa missaannik appariarput. Inissiat aqunneqartut ikinnerusut aamma inissianik kiffartuussinermut akiliutitigut isertitat amerlanerunerannik pissuteqarpoq, taama nassuiaasoqarpoq.

- Ingerlatseqatigiiffimmi aqutsisut ukiumi akileraannginnermi angusat 0,5 mio. kr.-t naammagisimaarpaat.

Kattussinissaq sulissutigineqassaaq

Naalakkersuisut Ineqarnermut Attaveqaasersuutinullu Naalakkersuisoq, Erik Jensen (S) peqataatippaat, Illuut aamma Inip kattunneqarnissaannut sulissuteqartoqartoq, taassuma oqalugiarnermini oqaatigaa.

- Kattunneq pillugu suliaq Naalakkersuisut akuereriigaannut maanna suliniutinut ingerlareersunut pingaartitsissasoq, Naalakkersuisut Ini A/S-imut pingaarnertut oqariartuutigaa.

Politiit kommunillu suleqatiginerisigut akiligassat appartinneqartut

2022-mi akiligassat 10,3 mio. kr.-nik appartinneqarnerat Ini A/S-imit iluatsinneqarpoq.

- Attartortunut akiliisinnaassutsikkuinnaanngitsoq, kisianni aamma inuuniarnikkut allanik unammilligassaqartunut siusinaartumik iliuuseqarnermi suli pitsaasumik kommunit, politiit, Grønlandsbanken aamma Allorfik pitsaasumik suleqatigineqarput.

Ingerlatseqatigiiffiup attuumassuteqanngitsumik suliaqartut inuuniarnermi ajornartorsiutit arlallit siusissukkut iliuuseqarfigineqarnissaannik periarfissaqalersitsisoq, ingerlatseqatigiiffik naqissusiivoq.

- Suliassaqarfiit akimorlugit ukkatarinninnerup pitsaasumik aaqqiissuteqarnernik, attartortunut aamma pisortanut iluaqutaasumik qulakkeerinnissinnaasoq, pisortat suliffeqarfiinik allanik suleqateqarnerup takutippaa.