Ingerlatsivik : Napparsimalluni takkutinngitsoortarnerit ukiumi ataatsimi 80 procentimik qaffariartut

Ukiup ataatsip ingerlanerani napparsimalluni takkutinngitsoortarnerit 80 procentimik qaffariarput, Deloittep ingerlatsiviup killiffianik nalunaarusiaani tamanna atuarneqarsinnaavoq.

2018-imi kvartalimit siullermit napparsimalluni takkutinngitsoortarnerit amerliartuinnarput, siorna kvartal 4 kisiat eqqaassanngikkaanni.

1. kvartal 2018: 8,2 procentit
2. kvartal 2018: 9,7 procentit
3. kvartal 2018: 14,4 procentit
4. kvartal 2018: 11,6 procentit

1. kvartal 2019: 14,8 procentit

Ingerlatsivik sungiussisimanermik suli amigaateqarnermik ilungersuuteqartoq, Deloitte ilisimatitsivoq. Oqartussaaffimmi suliassaqarfik suliassanit nalinginnaasunit aamma pikkorissarnernit, ilinniarnernit aamma sulinermut atatillugu angalanernit takkuttannginnernut artukkiisimasut oqaatigineqarportaaq.

Atugarissaarneq aarlerinartorsiortinneqartoq

- Oqartussaaffimmi suliassaqarfimmi sullissisunik sungiussisimasunik amigaateqarneq, aamma sulisut takkutiginngitsoortarnerisa qaffasinnera sullissisunut ataasiakkaanut naleqqutinngitsunik sulinermi tatisimanninnermik kinguneqartarpoq, tamannalu atugarissaarnermi piumassuseerukkiartornermillu kinguneqartoqarpoq, 2018-ip aallartinnerani Deloittep killiffimmik nalunaarusiaata arfineq-aappaanni taama aarlerisaarisoqarpoq.

Nalunaarusiami tassani Sermitsiaq.AG-p allagaatinik takunnikkumalluni pissarsiarisaani atuarneqarsinnaavoq, sulisut pausertarneranni kulturi pisortat sukateriffigisimagaat atuarneqarsinnaavoq, taamaalilluni maanna qaqugu pausersinnaaneq aamma pausimit qaqugukkut utereersimanissaq nalunaaqutalersorneqalerluni.

Nutaarsiassat

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...