Skip to main content

Ingerlatseqatigiiffiup nutaap kujataani inuussutissarsiutinik ineriartortitsineq siumut aallartissavaa

Innovation South Greenland A/S-ip takornariartitsisarnerup, aalisarnerup kiisalu aallarnisaasartunik nukittorsaanerup iluini ineriartortitsineq siumut aallartissavaa

Kommune Kujalleq ukiorpassuarni suliffissanik amigaateqarsimavoq, tamatumalu malitsigisaanik innuttaasut sumiiffimmit nussorlutik qimagussorput.

Ingerlatseqatigiiffik nutaaq, Innovation South Greenland, tamatumannga allanngortitseqataassaaq. Ilaatigut inussutissarsiortut kommunillu attaveqatigiilluartarnissaat qulakkiissavaa, tassa suliaq pineqartoq siuarsarneqassaaq.

- Nuannaarutigaara inuussutissarsiortut kommunillu tigussaasumik suleqatigiittarnissaasa oqaloqatigiittarnissaasalu tunngavissinneqarnerat. Tamatumuunakkut aqqutissiuunneqassaaq, siunissami suliassat suliniutissallu aallartinneqartussat iluaqutigineqarsinnaanerat, tassani pingaaruteqassaaq peqatigiilluta tigussaasumik suleqatigiittarnissarput, Simon Simonsen (S), borgmesterip tullia kommunimilu inuussutissarsiornermut ataatsimiititaliami siulittaasoq, tusagassiorfinnut nalunaaruteqarnermini oqarpoq.

Periarfissat atorluarneqassapput

Kommunimit oqaatigineqarpoq, Qaqortumi timmisartoqarfissaq kiisalu Killavaat Alannguanni aatsitassarsionermi piiaanissamut akuersissuteqarnissamik naatsorsuuteqarneq periarfissanik nutaanik atorluarneqarsinnaasunik atorluarneqartussanillu pilersitsissasut.

- Takornariartitsisarneq najukkami takornariartitsisartut Visit Greenlandilu suleqatigalugit inerisarneqarlunilu nittarsaanneqassaaq, soorlu aalisarneq najukkani aalisakkerivinnut aalisartunullu iluaqutaasussanngorlugu ineriartortinneqarlunilu  pitsanngorsaaffigineqassasoq, tusagassiorfinnut nalunaarummi allassimavoq.

Aamma oqaatigineqarpoq, timmisartoqarfissaq Kujataani tamarmi ataqatigiissumik attaveqaateqarnissap saniatigut isumagineqassasoq.

- Inuussutissarsiortut kommunillu tigussaasumik suleqatigiinnerisa oqaloqatigiittarnerisalu saniatigut pilersaarutit attanneqarsinnaasut, Kujataani inuussutissarsiutinik inerisaanissamut tunngavissiisussat kissaatigineqartutullu ineriartortitsinissamik kissaateqarneq anguniarlugu inuussutissarsiortut pisariaqartitaannik naammassinnittussat pigineqartariaqarput, siulersuisuni siulittaasoq Rasmus Christian Rasmussen  tusagassiorfinnut nalunaaruteqarnermini oqarpoq.

Aallarnisaasut

Ingerlatseqatigiiffiup kommunimut inuussutissarsiortunullu siunnersuisarnermi saniagtigut Kujataani aallarnisaasartut siunnersortassavai.

Ingerlatseqatigiiffiup Allan Chemnitz 2019-imi oktobarip aallaqqaataani atorfinitsippaa, taanna Greenland Businessimi Inuussutissarsiortunut siunnersortitut atorfeqarsimavoq, soorlu aamma Aallarnisaasartutut ukiorpassuarni misilittagaqartoq.

 Innovation South Greenlandimi siulersuisut inuttarai Nanortalimmi, Narsami, Narsarsuarmi, Qaqortumi inuussutissarsiortut aamma  Kommune Kujalleq sinnerlugu borgmesterip tullia Simon Simonsen.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER