Ingerlatseqatigiiffinnut inatsit allanngortinneqarpat pinngitsaaliissummik atorunnaarsitsisarnerit amerlanerulersinnaapput

Kalaallit Nunaanni ingerlatseqatigiiffinnut inatit arlalitsigut allanngortinneqassaaq, tamatuma malitsigisaanik ingerlatseqatigiiffiit pinngitsaaliissummik atorunnaarsinneqartalissapput, suliffeqarfinnik piginntuiit nalunaarsorneqanngippata.

Inuussutissarsiornermut Naalakkersuisoqarfiup ullualuit matuma siornatigut ingerlatseqatigiiffinnut inatsimmut peqqussut pillugu allaqqaakkat tusarniaassutigalugit nassiuppai, Kalaallillu Nunaanni suliffeqarfiit inatsimmi immikkuualuttut arlallit eqqumaffiginiassagaat, Nuna Advokaterit mailikkut ilisimatitsissuteqarlutik oqarput.

Ingerlatseqatigiiffinnut inatsit allanngortinneqarsimasoq ukiortaamiit atuutilissasoq pilersaarutaavoq, aalajangersakkat sukaterneqarnerannik, qasukkarneqarnerannik atorunnaarsinneqarnerannillu imaqarluni.

Oqaaseq nutaaq: Piginnittuiit

- Allannguinermi oqaaseq piginnittuiit Kalaallit Nunaanni ingerlatseqatigiiffinnut inatsimmi ilaatinneqalissaaq. Piginnittuiit inatsisit naapertorlugit piginnittunut, tassa toqqaannartumik piginnittunut paarlaanneqassanngillat. Piginnituiit tassaapput inuit ingerlatseqatigiiffimmi taasisinnaasut imaluunniit ingerlatseqatigiiffimmi aningaasaatit 25 procentii sinnerlugit piginnittut. Ingerlatseqatigiiffiit aaqqissuussaanerat, isumaqatigiissuteqarnikkut tunniussineq imaluunniit qularnaveeqqutit aqqutigalugit piginnittuuneq toqqaannanngitsumik piginnittunerusinnaavoq, Nuna Advokaterit ilisimatitsipput, erseqqissaassutigalugu piginnittuiit inatsisit naapertorlugit piginnittuugaluarpataluunniit piumasaqaatit nutaat atuutissasut.

Suliffeqarfiit tamanna iluarsinngikkunikku pinngitsaaliissummik atorunnaarsinneqarsinnaapput.

Ingerlatseqatigiiffiit aningaasaataa appartinneqarnissaannut piumasaqaat

Ingerlatseqatigiiffimmik pilersitsineq akikinnerulissaaq, ingerlatseqatigiiffiup aningaasaatai 50.000 koruuniniit 40.000 koruuninut appartinneqassammata aamma aktianik piginneqatigiiffiit 500.000 koruuniniit 400.000 koruuninut appartinneqassammata.

Aamma ingerlatseqatigiiffiit taarsigassarsisitsisinnaanerat annertusineqassaaq, ingerlatseqatigiiffimmik piginnittut aqutsisulluunniit qularnaveeqqusiisalissapput il. il., Nuna Advokaterinit oqaatigineqarpoq.

Peqatigitillugu ukiortaamiit aallartisaasartutut ingerlatseqatigiiffinnik pilersitsisinnaaneq ajornasissaaq, tassannga pilersitsinissamut minnerpaamik aningaasaliissuteqarnissamut koruunimik ataatsimik akiliuteqarfiusartutut killilimmillu pineqaatissiffiusinnaasutut ilisimaneqartoq.

Aallartisaasartut ingerlatseqatigiiffianiit piginneqatigiiffimmut

- Aallartisaasartit omgerlatseqatigiiffii ulloq 1. januar 2024 nallertinnagu piginneqatigiiffinngortinneqassapput. Aallatisaasartutut ingerlatseqatigiiffiit piginneqatigiiffinngortinneqanngitsut pinngitsaaliissummik atorunnaarsinneqassapput, Nuna Advokaterit ilisimatitsipput, taakku oqaatigaat allannguinissamut ikiuunnissamut piareeqqallutik.

Tusarniaanermut kingusinnerpaamik akissuteqarnissaq pissaaq juulip 29-ani.

Powered by Labrador CMS