Skip to main content

Ingerlatseqatigiiffinnik aqutsilluarnissamut najoqqutassiat siulersuisunit naammassineqanngitsut

Namminersorlutik Oqartussat ingerlatseqatigiiffiutaasa aqutsisut akissarsiaannik paasissutissiisimanerit assigiinngissuteqangaatsiarput. Tele Greenland A/S ingerlatseqatgiiffinni paasissutissiinerpaasimavoq Royal Arctic Line A/S-lu paasissutissiinnginnerpaalluni.

Namminersorlutik Oqartussat ingerlatseqatigiiffiutaasa 2017-imut ukiumoortumik nalunaarusiaat Sermitsiaq.AG-p sammivai. Tassani siulersuisunut ilaasortat Namminersorlutik Oqartussat ammasumik ingerlatsinissaannik piumasaqaatit naammassineqarsimanersut misissorneqassaaq.

Ingerlatseqatigiiffinnut Allattoqarfik ingerlatseqatigiiffiit aqulluarneqarnissaannik najoqqutassiamik ima allappoq:

Issuaaneq aallartippoq:

Najoqqutassiat qulakkeerinneqataassapput, aktiaateqarluni ingerlatseqatigiiffinnik Namminersorlutik Oqartussanit pigineqartunik sulianik pikkorissuseqarluni siulersorneqarnissaq aammalu periusissiatut sinaakkutissat piginnittumit aalajangersarneqarsimasut naapertorlugit. Sulianik pikkorissuseqarluni ingerlatsinerup qulakkiissavaa ingerlatseqatigiiffik piginnittorlu pitsaanerpaamik isumannaarsorneqarsimassasut aningaasaqarnikkut annaasassanut, taamatummi oqaluttuarisaanermi aktiaateqarluni ingerlatseqatigiiffiit ilaat Namminersorlutik Oqartussanit pigineqartut eqqorneqartarsimammata. Peqatigitillugu sulianik pikkorissuseqarluni ingerlatsinerup tunisassiornermi ineriartornermik aamma inuiaqatigiinni suliffissanik pilersitsissaaq. 

Namminersorlutik Oqartussanit aktiaateqarluni ingerlatseqatigiiffinnik pigineqartunik najoqqutassiaq aamma ingerlatseqatigiiffinnut børsimi allattuiffinni nalunaarsorneqarsimasunut kaammattuutit akornanni annertuunik naapertuuttoqarsimassaaq, tassami kaammattuutit ilarpassui amerlasuut oqaatiginnittuummata ingerlatseqatigiiffinnik ingerlatsinermut nalinginnaasumik peqqinnartumik periuseqarnermut. 

Najoqqutassiat ingerlatseqatigiiffinni ataasiakkaani siulersuinermi ammanerusoqarnissaanik pilersitsissapput, taamaasilluni inuiaqatigiinni tusatsiakkat naapertorlugit oqallittarneq annikillisinneqarsinnaalluni. Taamaattumik ingerlatseqatigiiffiit ukiumut ataasiarlutik tamanut saqqummiuttarniarpaat ingerlatseqatigiiffiup najoqqutassiani kaammattuutigisanit suliaqarnerminni tamakkiisumik takussutissiaq namminneq nittartakkamikkut. 

Issuaaneq naavoq

Nalunaarusiarlu qulaani allassimasoq naammassineqarsimanersoq ingerlatseteqatigiiffiit 2017-imut ukiumuoortumik nalunaarusiaat uku Sermitsiaq.AG-mit sammineqarput: Royal Greenland, Royal Arctic Line, KNI, Tele Greenland, Sikiku Nuuk Harbour aamma Kalaallit Airports.

Taakku aqutsisut qanoq akissarsitinneqarsimanersut atorfeqarnermullu atugaat pillugit paasissutissat takukkit.

Royal Greenland A/S

Aqutsisut:

Pisortaaneq Mikael Thinghuus - Aalajangersimasumik akissarsiat: 4.323.000

Aningaasaqarnermut pisortaq Niels Duus Kinnerup: 2.760.000 koruunit

Tuniniaanermut pisortaq Bruno Olesen: 2.606.000 koruunit

Tunisassiornermut pisortaq Lars Nielsen: 2.606.000 koruunit

Suliffeqarfimmi aqutsisut katillugu: 12.295.000 koruunit

Bonus: 2.774.000 koruunit

Royal Arctic Line A/S

Aqutsisut: Pisortaaneq Verner Hammeken - 3.060.000 koruunit

KNI A/S

Aqutsisut: Pisortaaneq Peter Grønvold Samuelsen

Aalajangersimasumik akissarsiat utoqqalinermusiassat ilanngutereerlugit: 3.175.000 koruunit

Akissarsiat allanngorartut: 263.000 koruunit

Aqutsisut akissarsiaasa atorfeqartitaanermullu atungaasa kiisalu naliginnaasumik qaammatini aqqaneq-marlunni naliginnaasumik tunuartitsinissamut allanik ilanngussisoqarsimanngilaq.

Sikuki Nuuk Harbour A/S

Aqutsisut: Pisortaaneq John Rasmussen (akissarsiat paasissutissiarineqanngillat, aaqq.)

Kalaallit Airports A/S

Aqutsisut:

Steffen Ulrich-Lynge

Peter Wistoft

Katillugu 2.230.000 koruunit

Tele Greenland A/S

Pisortaaneq ukiumut aalajangersimasumik utoqqalinermusiassat ilaatigut biileqartitaalluni akissarsitinneqartarpoq. Pisortaaneq ukiumut akissarsiami 23 procentii pallillugit ukiumoortumik bonusimik pissarsinnaavoq.

Pisortaaneq tunuarnissamut tunuarniuteqarnissamut ingerlatseqatigiiffimmit isumaqatigiissuteqarsimavoq. Pisortaaneq tunuarniuteqassaguni siumoortumik qaammatit arfinillit sioqqullugit nalunaaruteqassaaq. 

Aalajangersimasumik: 2.750.000 koruunit

Utoqqalinermusiassat: 0 koruunit

Bonus 2017: 506.000 koruunit

Allat: 137.000 koruunit

(Allani nalillit allanneqarsimasut tassaapput, biileqartitaaneq, oqarasuaateqartitaaneq angalasinnaatitaanerlu. Ineqarneq aamma ilaavoq taassumalli maleruaqqusat malillugit taanna akilertarpaa).

Najoqqutassiat

Namminersorlutik Oqartussat 2012-imi “Namminersorlutik oqartussanit pigineqartunik ingerlatseqatigiiffinnik aqutsilluarnissamut najoqqutassiat” Naalakkersuisut siulittaasorisimasaannit Kuupik V. Kleistimit atsiorneqarsimasumik suliaqarput. Inassuteqaatillu naammassineqarnissaannut ukiunik tallimanik periarfissaqarsiimangaluartoq siulersuisut amerlanerit paragraf uku naammassinngitsoorpaat.

6.1.3. Akissarsianut politikkip, qullersaqarfiup akissaasersorneranut ilaasunik akissarsianut ilaasunik naammattumik allaaserinninnermik imaqarnissaa inassutigineqarpoq.

6.1.5. Akissarsiat tamarmiusut, qullersaqarfimmi ilaasortat ataasiakkaat ingerlatseqatigiiffimmiit aamma suliffissuaqarfimmi suliffeqarfinnit allaniit pissarsiaat pillugit ukiumoortumik/suliffissuaqarfiup naatsorsuutaani paasissutissanik aqutsisoqarfik tunniussisassasoq inassutigineqarpoq, aamma akissarsianut politikkimi ataqatigiissuseq pillugu nassuiaasoqarluni.

6.1.6. Akissarsiat tamarmiusut pillugit paasissutissiinerup ilaatut suliaqarneq tunngavigalugu ingerlatseqatigiiffiup qullersanut pisussaaffigisaanik pensionisiaqartitsisoqarnersoq kiisalu aaqqissuussinerit taakku nalingi aamma ukiup ingerlanerani allanngorarneri ilisimatitsissutigineqassasut inassutigineqarpoq. 20

6.1.7. Soraarsitsinermi piffissalersuineq, sulisunik attassiinnarnissamut suliunnaarsitsinissamullu aaqqissuussinerit pillugit paasissutissat pingaarnerit ingerlatseqatigiiffiup ukiumoortumik nalunaarusiaani tamanut saqqummiunneqassasut inassutigineqarpoq.

Innersuussutit sooq naammassineqarsinnaannginneri nassuiaateqarfigitinniarlugit Sermitsiaq.AG-p siulersuisuni siulittaasut apeqquteqarfigisimavai. Ulluni tulliuttuni Ingertaseqatigiiffinnik ingerlatsilluarnissaq pillugu allaaserisat saqqummernerini nassuiaatit atuarsinnaassavatit.

Læs hele sagen:

  1. Hvem scorer mest i løn?
  2. Kina akissarsiaqqortunerua
  3. Bestyrelser vender ryggen til anbefalinger om god selskabsledelse
  4. Forskellige forklaringer på at holde lønforhold skjult
  5. Akissarsiat isertuunneqarnerannut nassuiaatit assigiinngitsut
  6. Paasissutissanik katersinermut inatsit ammanerusumik ingerlatsinissamut akornutaanngilaq
  7. Databeskyttelseslov forhindrer ikke åbenhed
  8. Derfor holder vi intet skjult
  9. Taamaammat isertuussaqanngilagut
  10. OK, at alle kender min aflønning
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER