Skip to main content

Ingerlatseqatigiiffik: Inatsisit nutaat aatsitassarsiorfiliornissaq ajornarnerulersippaat

Sulisinnaanermut akuersissutit pillugit malittarisassat allanngortinneqarnerisa aatsitassarsiorfiliorniarneq ajornarnerulersippaat, Hudson Ressources oqarput. Ernumanartoq paasinartorlu, Sulisitsisut isumaqarput.

Tallimanngormat oqaluttuareriikkatsitut, nunanit allanit aatsitassarsiorfinnut suliartortut pillugi inatsisit allanngortinneqarnikuupput.

Aatsitassarsiornermik ingerlatseqatigiiffiit manna tikillugu nunanit allaneersunik suliartortunik qaammatit pingasut angullugit sulisinnaanermut akuersissuteqaqqaartariaqarsimanngillat. Nunanut allanut tunngasunut aqutsisoqarfimmit nassuiaat manna tikillugu misissuinermut aamma piiaanermut akuersissutinut tunngagaluarpoq.

Kisianni maanna inatsisit ingerlatseqatigiiffinnut piaasinnaanermut akuersissuteqartunut atorunnaariasaarpoq. Tamanna eqqartuussissuserisoqarfimmit Nuna Lawimit allakkatigut nutaarsiassani atuarneqarsinnaavoq, tassani ingerlatseqatigiiffiit nassuiaammut nutaamut mianersoqquneqarput.

Atuaruk: Inatsisileritooq: Piiavinni ingerlatseqatigiiffiit maleruagassaanik allanngortitserineq unioqqutitsineruvoq

Suligallartussanik pisariaqartitsisut
Ingerlatseqatigiiffiit inatsisinit nutaanit sunniuteqarfigineqartut ilagaat Hudson Ressourcess, taakku Kangerlussuup ungasinngisaani anorthositinik piiavimmik sanaartuleruttorput. Aatsitassarsiorfissamik sanaartulernermilu sivikitsumik atorfeqartussanik sulianut immikkut ittunut pisariaqartitsisoqarpoq.

- Inatsisit nassuiaatip nutaap sulisinnaanermut akuersissutinut tunngasup, Kalaallit Nunaat aatsitassarsiorfiliornissamik pisariinnerulersitsinngilluinnarpoq, Hudson Ressourcesimi pisortaaneq, James Tuer, Sermitsiaq.AG-mut taama oqarpoq.

James Tuer uteqattaarlugu naqissuserpaa, Hudsonn Ressourcesip siullermik nunaqavissunik sulisoqarniarsarisarneq siulliuttuaannarlugu.

- Atorfiugallartussanut nunaqavissunik pissaqarnata atorfeqarallartussanik aatsitassarsiorfiup sanaartornerani ajornartorsiut pilersarpoq. Aatsitassarsiorfik pilersinneqareerpat sapinngisarput tamaat nunaqavissunik atorfinitsitsinissarput pilersaarutigaarput, James Tuer oqarpoq.

- Inatsisit aporfiupput
Inatsisit nutaat aatsitassarsiornermut tunngatillugu ineriartornermik ajoqusiinissaat, Sulisitsisunit ernumassutigineqarpoq.

- Ingerlatseqatigiiffinnut piiaasinnaanermut akuersissutiminnik atuinissamut periarfissaqartunut tamanna aporfiuvoq, Sulisitsisuni pisortaq, Brian Buus Pedersen, Sermitsiaq.AG-mut oqarpoq.

Taanna aalajangersagaq aatsitassarsiortitseqatigiiffiit pisariaqartitaminnik sulisussaqarnissaat qulakkeerniarlugu taamanikkut aatsitassanut inatsimmut allanneqarsimasoq, taassuma oqaatigaa.

- Ingerlatseqatigiiffiit pisariaqartitaminnik atorfinitsitsinissamut taama pisariitsigisumik pisinnaajunnaarnissaannik, taanna allannguineq kinguneqassaaq, Brian Buus Pedersen naliliivoq.

Sulisinnaanermut akuersissuteqalernissaq qaammaatinik pingasunik sivisussuseqarpoq
Siunissami sivikitsumik atorfeqartitsinissamut sulisinnaanermut akuersissutinik qinnuteqartoqartalerpat, suliamik sullissinermut piffissaq minnerpaamik qaammatinik pingasunik sivisussuseqartassasoq Nuna Lawimit ilimagineqarpoq. Peter Schriver Nuna Lawimeersoq Nunanut allanut aqutsisoqarfiup Inuussutissarsiornermut, Niuernermut, Sulisoqarnermut Nukissiornermullu Naalakkersuisoqarfiup peqqussutaanik allanngortitsisuuvoq.

- Taanna allannguineq ernumanarlunilu paasiuminaappoq. Peter Schriverip inatsisitigut tunngavissaqannginneranik naliliinera isumaqatigaarput, Brian Buus Pedersen oqarpoq.

Sermitsiaq.AG-p Inuussutissarsiornermut, Niuernermut, Sulisoqarnermut Nukissiornermullu Naalakkersuisoqarfimmit oqaaseqartitsinissani sulissutigaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER