Skip to main content

Ingerlatseqatigiiffiit pingasuinnaat mittarfinnik sanaartornissamut neqerooruteqarput

Ingerlatseqatigiiffik sanaartugassanik suliaqartartut arfiniliusut, Ilulissani aamma Nuummi mittarfiliornissamut neqeroorusiortussat affaat tunuarput. Taamaalilluni Kalaallit Airports neqeroorutinik pingasunik toqqagassaqarpoq.

Kinamiut sanaartugassanik suliaqartartut suliffeqarfissuat CCCC, Nuummi aamma Ilulissani mittarfiliornissamut neqerooruteqarnissamit tunuarsimasoq, aviisip Sermitsiap ungasinngitsukkut saqqummiuppaa.

M.T. Højgaard aamma tunuarsimasoq maanna paasinarsivoq. Suliap aallartilaarnerani paasineqarpoq, Aarsleff – Istak Joint Venture (Danmark/Island) neqerooruteqarnianngitsoq.

Ingerlatseqatigiiffiit sanaartugassanik suliarinnittartut kissaateqarnerisa kingorna, neqeroorusiortitsineq suliap ingerlanneqarnerani marloriarluni sivitsorneqarpoq, tamannalu attaveqaqatigiinnermut suliassani annertuuni nalinginnaasuusarpoq.

- Qaammarterpassuarni pissangalluni aamma ilungersorluni sulineq maanna sanaartugassanik suliarinnittartunit neqeroorutinik tigusinermik kinguneqarpoq, taakku maanna suliarinnittussap toqqarneqartumik isumaqatigiissusiunnginnermi misissorlugillu isumaqatiginninniutigissavagut, pisortaaneq Peter Wistoft, Kalaallit Airports, tusagassiuutinut nalunaarummi taama oqarpoq.

Neqeroorutit tiguneqartut

Neqerooruteqarnissamut piukkunneqarsimasut ukuupput:

  • Aarsleff – Ístak Joint Venture (Danmark/Island)

  • BAM International bv. (Holland)
  • China Communications Construction Company Ltd. (Kina)
  • Munck Gruppen A/S (Danmark)
  • MT Højgaard A/S (Danmark)
  • Pennecon Dexter Joint Venture (Canada)

- Ingerlatseqatigiiffiit piukkunneqartut pingasut sinneruttut (BAM International bv, Hollandimeersut, Pennecon Dexter Joint Venture Canadameersut kiisalu Munck Gruppen Danmarkimeersut) sanaartornissamut neqerooruteqarput. Ingerlateqatigiiffiit tamarmik mittarfinnut piffissamut pilersaarutaasumik malinnittumik tamarmik immikkut neqerooruteqarput, tusagassiuutinut nalunaarummi tamanna allaqqavoq.

- Sanaartugassanik suliarinnittartunit neqeroorutit nuannaarutigisorujussuaagut, taakku tamarmik nunani unammillernartumik inissisimasuni sanaartornermik annertuumik misilittagaqarput, pisortaaneq Peter Wistoft oqarpoq, nangillunilu:

- Neqeroorutit tigusagut misissorlugit aamma isumaqatiginninniarnernik sulineq pissanganartoq maanna aallartissavarput. Qaammatip naalernerani siulersuisut ataatsimiissapput, tassani sanaartugassanik suliarinnittartoq toqqarneqartoq, Nuummi aamma Ilulissani mittarfinnik sanaartornermik suliakkerneqartoq toqqarneqassaaq, mittarfiit suliarineqarneri ukioq manna ukiakkut aallartinnissaat suli siunertarineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER