Ingerlaaqatigiinneq: Múte saarlersaassaaq

Ukiuni arlalinni Kim Kielsen Inatsisartut katersuuteqqileraangata saarliulluni ingerlasarsimavoq. Nunatsinnili politikkikkut pissaanerup nikinnerani qinigaarlaat Hans Egedep illuanit oqaluffimmut ingerlaaqatigiittoqarnerani Múte B. Egede saarlersaassaaq.

Partiini tallimani Inatsisartunut isertitaqartuni siulittaasut, ullumi Inatsisartut inissititerneranni susoqarnissaannut aalajangersaassaapput.

Ileqquusoq malillugu ulloq aallarnerlugu ilaasortat nalunaaqutaq qulinut Hans Egedep illuanit Annaasisitta Oqaluffianut naalagiariartorlutik ingerilaaqatigiisssapput.

Naalagiarneq naammassippat politikkerit Inatsisartut ataatsimiittarfiannut ingerlaaqatigiissapput, Inatsisartut ataatsimiittarfiata saavani assilisissallutik.

Enoksen nassuiaateqassasoq

Inersuarmi nalunaaqutaq aqqanernut sivisunerpaamik ilaasortaasimasoq Hans Enoksen ataatimiinnermi ammaalluni nassuiaateqassaaq. Tamatuma kingorna ilaasortat Qinigaanerup misilinneqarnissaanut ataatsimiitsitaliami ilaasortassatut, politikkerinik pinerluuteqarsimallutik Inatsisartuni ilaasortaanissamut nalequtinngitsunik ilaasortaaqqusiunnaarsinnaasut, inassutigineqassapputt.

Tamanna naammassineqarpat Inatsisartuni Siulittaasussaq, Hans Enoksen, toqqarneqassaaq. Tulliullugu siulittaasup tullissaanik, siullitaasup tulliata aappassaanik, pingsussaanik sisamassaanillu toqqaasoqassalluni

Oqaluuserisassat arfineq-aappaanni Naalakkersuisut Siulittaasussaat, Múte B. Egede toqqarneqassaaq, tulliullugulu Inatsisartuni ilaasortassat toqqarneqassallutik.

Ataatsimiinneq marlunngorpat nanginneqassasoq

Ataatsimiinneq marlunngorpat nalunaaqutaq aqqanernut nanginneqassaaq, tassa ataatsimiititaliani, siunnersuisoqatigiinni aalajangiisartunilu ilaasortassanik toqqaasoqassalluni, assersuutigalugulu aamma Inatsisartut Ombudsmandissaannik toqqaasoqassaaq.

Ulluni marlunni taakkunani oqaluuserisassat tamaasa takukkit, uani

Powered by Labrador CMS